Gohlimzdoh Ngeih 9 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Gizsaed gou mboujyungh sij saenq daezsingj faenhsou gij saeh gien ngaenz hawj gyoengq lwgsae Yehluqsajlaengj mwnq nej.

² Gou rox faenhsou siengj bang gyoengq lwgsae hah, sojhij gou itcig cungj youq gij vunz Majgizdoenq Saengj dineix haenh faenhsou, naeuz faenhsou Yaqgaihyaq Saengj vunz daj bi'gvaq cix gaihcij ij gien ngaenz lo. Faenhsou hih ndaek cungj singjsaenz neix ndaej hawj baenx haujlai vunz doengh daengz sim.

³ Yiengq gou seizneix baij geij boux bae faenhsou mwnq, muengh faenhsou ciuq gij vah gou bae cwnjbiq ndei gij ngaenz vunz gien daeuj mwnq, mienxndaej gou haenh faenhsou haenh hoengq,

⁴ aenvih gou baezneix ij bae faenhsou mwnq, saekseiz caiq miz Majgizdoenq vunz gaen gou bae. Daengz mwhmwnq, raen faenhsou lij mijyaengz cwnjbiq ndei gij ngaenz vunz gien hawj mwnq, yiengq mboujdanh vih gou sinq faenhsou hwj roxnginh saetnaj, daiqlienz faenhsou cungj caemh roxnginh engqgya saetnaj.

⁵ Sojhij, gou naemj wnggai baij geij boux beixnuengx doih sien bae faenhsou mwnq, dawz faenhsou gaxgonq dapwngq hawj gij ngaenz vunz gien daeuj he cwnjbiq ndei daengj gou bae, yienghmwnq couh yienh ok faenhsou dwg nyienh'eiq gien he lo.

⁶ Gou naeuz sou ni, noix ndaem hih couh noix sou, lai ndaem hih couh lai sou.

⁷ Gak vunz siengj gien geijlai couh gien geijlai; wnggai dwg nyienh'eiq gien hih cij deng, aenvih Cangqdiq haenjheiq gij vunz nyienh'eiq haenjheiq gien he.

⁸ Cangqdiq doiq faenhsou haijliengh raixcaix; de nyok gak yiengh hawj faenhsou, hawj faenhsou siengzseiz ndaej gaeuq yungh hwj ndaej bang vunz.

⁹ Cingq luj ndaw Singqgingh ndaw de sij naeuz: De haijliengh nyok hawj vunz gungz; de dih goengbingz yungjyenj mbouj rox bienq.

¹⁰ Boux nyok ceh hawj vunz roek caiq nyok gij gw hawj vunz dih Cangqdiq, de gaengjdingq lai hawj faenhsou, hawj faenhsou ndaej lai guh ndeisaeh.

¹¹ De caemh gaengjdingq hawj faenhsou yienghyiengh cungj fouqmiz, hawj faenhsou seiqseiz cungj haijliengh cungj guh ndeisaeh. Yiengq daengz mwh gyoengqraeuz dawz gij ngaenz faenhsou gien hawj vunz hih faen hawj vunz gungz hih mwhde, gyoengqde couh docih Cangqdiq lo,

¹² aenvih faenhsou soj gien hih mbouj danhcij ndaej bangbouj gyoengq lwgsae, vanzlij ndaej hawj haujlai vunz engqgya docih Cangqdiq.

¹³ Dunghgoq faenhsou haijliengh gien ngaenz gij ndeisaeh neix, couh ndaej cingqmingz faenhsou mbouj danhcij sinq bonjfaenh faenhsou soj cenz hih Gihduz dih ndei siuhsiz, caemh vanzlij ndaej cingqmingz faenhsou caemh dwg ciuq gij ndei siuhsiz neix bae guh. Aenvih faenhsou haijliengh nyok ngaenz hawj gyoengqde caeuq hawj vunz, yiengq couh ndaej hawj Cangqdiq najrongh lo.

¹⁴ Faenhsou haijliengh gien ngaenz, yienghneix couh ndaej yienh ok Cangqdiq doiq vunz haijliengh raixcaix. Couh vih yienghneix, gyoengqde couh aiq faenhsou, vih faenhsou hwj gouzhaenh Cangqdiq.

¹⁵ Hoeng, mboujguenj baenzlawz, gyoengqraeuz cungj wnggai docih Cangqdiq; Cangqdiq nyok hawj gyoengqraeuz hih dwg ceiq ndei hih, mij maz ndaej beij hih.