Gohlimzdoh Ngeih 1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Gou dwg Baujloz, dwg ciuq gij cawjeiq Cangqdiq daeuj guh gij dwzbaijyienz Yehsuh Gihduz he. Gou caeuq Dizmohdaiq boux beixnuengx neix sij saenq hawj youq Gohlimzdoh Singz caeuq youq Yaqgaihyaq Saengj sojmiz hih lwgsae.

² Muengh daxboh raeuz Cangqdiq caeuq bouxcawj raeuz Yehsuh Gihduz doiq faenhsou haijliengh, hawj faenhsou bingzan!

Doengz souh nanh doengz vued

³ Bouxcawj raeuz Yehsuh Gihduz dih Cangqdiq daxboh wnggai haenh hih! De dwg hojsik vunz dih Cangqdiq, dwg vued vunz dih Bohmbwn.

⁴ Mboujguenj gyoengqraeuz roeb daengz gijmaz nanh, de cungj vued gyoengqraeuz, hawj gyoengqraeuz caemh ndaej rox bae vued doenghheij miz nanh he.

⁵ Cingq luj gyoengqraeuz yied vih Gihduz hwj souh nanh hih, Cangqdiq yied dunghgoq Gihduz hwj daeuj vued gyoengqraeuz.

⁶ Hauhnaeuz gyoengqraeuz souh daengz nanh, yiengq dwg vih ij hawj faenhsou ndaej daengz vued caeuq ndaej gouq lah; yiengq, hauhnaeuz gyoengqraeuz ndaej daengz vued, faenhsou caemh ndaej daengz vued lo. Gij neix dwg vih ij bang faenhsou hawj faenhsou ndaej rox naenxsim bae souh luj gyoengqraeuz soj souh hih.

⁷ Gyoengqraeuz sinq faenhsou mbouj veiq hawj raeuz saetmuengh hih, aenvih raeuz rox faenhsou caeuq raeuz doengz souh nanh, caemh doengz ndaej vued.

⁸ Gak boux beixnuengx hax, faenhsou wnggai rox, gyoengqraeuz doenghbaez youq Yaqsiqyaq Saengj roeb daengz hih nanh hawj gyoengqraeuz saedsaeh dingx mbouj ndaej hih. Gyoengqraeuz cungj roxnginh mij'z muengh hih, naemqnaeuz mij'z banqfaz ndaej lix roengzbae hih,

⁹ cungj naemqnaeuz gaenq rai lo. Hoeng, mwhde gyoengqraeuz caemh rox gauq gij goengrengz bonjfaenh baenzbaenz cungj mbouj ndaej, gaengjdingq ngaiz rai; gajlaeng hawj gyoengqraeuz rox, cijaeu baengh hawj vunz daj rai ndaej dauqlix dih Cangqdiq cij ndaej baux mingh.

¹⁰ Gajlaeng de cingqgawq gouq gyoengqraeuz, hawj gyoengqraeuz ndaej duet ok gij veizyiemj he. Seizneix de caemh gouq gyoengqraeuz; raeuz caemh muengh de baezneix ciuqyiengh ij gouq gyoengqraeuz,

¹¹ aenvih faenhsou gouz Cangqdiq bang gyoengqraeuz, sawj haujlai vunz rox daengz Cangqdiq baenxlai gvansim gyoengqraeuz le couh docih Cangqdiq.

Baujloz gaij giqvaq

¹² Gyoengqraeuz saedsaeh naeuz sou ni, bingz liengzsim ma gangj, gyoengqraeuz guh saeh doiq vunz cungj dwg lauxsaed simndei simsoh hih, dwzbez dwg caeuq faenhsou dih gvanhaeh engqgya dwg yienghneix. Sojmiz hih cungj dwg baengh Cangqdiq dih haijliengh hih, mbouj dwg baengh bonjfaenh dih coengjmingz hih.

^13-14 Gyoengqraeuz sij saenq hawj faenhsou hih cungj dwg miz maz sij maz, cungj dwg faenhsou yawj ndaej rox hih. [14a]Cungjsuenq faenhsou seizneix doiq gyoengqraeuz mbouj daiq rox geijlai, [13b]hoeng, gou muengh faenhsou baezneix ndaej rox liuxliux. [14b]Yienghneix, youq bouxcawj raeuz Yehsuh Gihduz dauq daeuj hih mwhde, faenhsou veiq vih gyoengqraeuz hwj roxnginh najrongh, caemh luj gyoengqraeuz vih faenhsou hwj roxnginh najrongh hih yienghmwnq.

^15-16 Gou sinq faenhsou veiq rox gyoengqraeuz hih, sojhij, gou couh geijcaeux cix giqvaq ij bae faenhsou mwnq yawj faenhsou. [16]Gou dajsuenq daj faenhsou mwnq doqswnh bae Majgizdoenq Saengj, gajlaeng caiq daj Majgizdoenq Saengj dauq maj daengz faenhsou mwnq, gajlaeng, faenhsou soengq gou okdin bae Youzdaiq Saengj, [15b]yienghmwnq couh ndaej hoh fuk hawj faenhsou song mbat lo.

¹⁷ Gou yienghneix giqvaq, nanzdauh dwg gou yaepyaep yuekyuek mbouj dingh hih mah? Dwg gou itseiz dih singqheiq gaenj hih mah? Dwg yaep yiengh yaep yiengh hih mah?

¹⁸ Gou gamj yiengq sinq ndaej goq dih Cangqdiq baujcingq, gyoengqraeuz doiq faenhsou soj gangj hih soj cenz hih gaenhbaenj mbouj dwg naeuz yaep “dwg” yaep “mbouj dwg,”

¹⁹ aenvih gou caeuq Sihlah caeuq Dizmohdaiq youq faenhsou mwnq soj cenzgangj hih daeglwg Cangqdiq, Yehsuh Gihduz, de baenzbaenz mbouj dwg yaep “dwg” yaep “mbouj dwg” hih, dauq dwg caenhgag de cij boiqndaej “dwg” he.

²⁰ Cangqdiq sojmiz dih baujcingq mboujguenj miz geijlai, cungj dunghgoq Yehsuh Gihduz hwj ndaej doiqyienh hih. Sojhij gyoengqraeuz gouzhaenh Cangqdiq hih mwhde, cungj dwg dunghgoq gij coh de ma naeuz “Ahmaenz!” yienghneix ma hawj Cangqdiq ndaej najrongh.

²¹ Dwg Cangqdiq senj gyoengqraeuz caeuq faenhsou, hawj gyoengqraeuz sinq Yehsuh Gihduz hih vunz ij gyenhgyangz mbouj doeknaiq.

²² De caemh youq gwnz ndang gyoengqraeuz guh geiqhauh hwj, couh dwg de hawj gij Hoenzsaenz de doz youq gwnz ndang gyoengqraeuz, cingqmingz gyoengqraeuz dwg gvi hawj de dih baengzgawq.

²³ Cangqdiq ndaej cingqmingz gou, gou mbouj caiq bae Gohlimzdoh faenhsou mwnq dwg vih ij nyiuz faenhsou.

²⁴ Gij neix mbouj dwg naeuz gyoengqraeuz ijsiengj guenjciq faenhsou, hawj faenhsou ij sinq gijmaz cij ndaej law, dauq dwg ijsiengj bang faenhsou, hawj faenhsou sim'angq lah, aenvih faenhsou sinq Cangqdiq gaeuq gyenhdingq lo.