Gohlimzdoh It 13 - Gij Baujcingq Moq Caeuq Geij Bonj Gij Baujcingq Daeuzdaeuz

Gangj daengz aiq

¹ Yiengq cungjsuenq naeuz gou rox gangj lajmbwn gak cungj vah, simqciq daiqlienz gij vah bouxcai Cangqdiq cungj rox gangj hwjx, hauhnaeuz mbouj miz aen sim aiq vunz he, cix ij miz maz yungh; gou soj gangj hih vah couh dangq luj ndaek gyong ndaek laz coemq caxcemq yienghmwnq nauhyied coeg rwz lah.

² Caiq cungjsuenq naeuz gou ndaej guh boux cenz gij vah Cangqdiq, caemh rox gak cungj miqmiz, gak cungj ciqsiz, caemhcaiq miz sinqsim raixcaix hwj ndaej gouz daengz Cangqdiq dawz aen bya nod deuz hwjx, hauhnaeuz gou mbouj miz aiq, cix ij suenq gumxlwk, ciuqyiengh mij'z yungh.

³ Caiq cungjsuenq naeuz gou dawz sojmiz hih cungj soengq hawj vunz gungz liux, simqciq ngaiz vwt mingh ngaiz feiz coemh hwjx, hauhnaeuz mbouj miz aiq, cix ij suenq gumxlwk, mij'z yungh.

⁴ Miz aiq, doiq vunz couh rox naenxsim, rox hojsik, mbouj rox rahoengz, mbouj gag haenh bonjfaenh, mbouj rasang.

⁵ Miz aiq, couh roxsoq, mbouj vih bonjfaenh, ndaej rox daengz vunz, mbouj yungzheih fatheiq; vunz daekcoih mwngz, mwngz mbouj geiq youq ndaw sim.

⁶ Miz aiq, couh mbouj haenj gij doegsieb he; haenj gij saedsaeh he.

⁷ Miz aiq, couh mboujguenj guxmaz cungj mbouj lau dwgrengz, cungj dwg sinq Cangqdiq, mbouj doeknaiq miz muengh, rox naenxsim.

⁸ Aiq dih baenjcinh dwg yungjyenj mbouj rox sat hih. Sojhij, gou naeuz sou ni, cungjsuenq naeuz faenhsou miz bonjsaeh ndaej rox cenz gij vah Cangqdiq hajx, cixnaeuz miz bonjsaeh ndaej rox gangj cungj vah Hoenzsaenz Cangqdiq nyok hawj vunz gangj he, cixnaeuz rox Hoenzsaenz Cangqdiq hawj vunz rox hih ciqsiz, cungj dwg camqciz hih, mbouj dwg yungjyenj hih,

⁹ aenvih raeuz seizneix soj rox hih cungj mbouj suenq cibfaen rox; rox cenz gij vah Cangqdiq hih caemh mbouj suenq cibfaen rox.

¹⁰ Sojhij, daengj daengz sojmiz hih bienqbaenz ndei liuxliux, daiqlienz baenjlaiz mbouj suenq cibfaen rox hih cungj bienqbaenz mij'z yungh liux.

¹¹ Caemhdangq gou lij lwgngez mwhde, gangj vah, siengjfap, guhfap, cungj dwg luj lwgngez. Hoeng, seizneix hung baenz vunz le, cungj dawz sojmiz luj lwgngez hih saeh gveng liux.

¹² Caemh doxdoengz, gyoengqraeuz seizneix doiq Cangqdiq dih saeh rox mbouj laeg, mbouj cingsuj, caemhdangq luj gyoengqraeuz seizneix yawj haeuj mojlox bae, myox myadmyad, yawj mbouj cingsuj. Hoeng, daengj daengz baezneix cungj ij miz ngoenz he, yawj ndaej raen cingcing sujsuj, caemhdangq Cangqdiq rox gyoengqraeuz yienghmwnq.

¹³ Hoeng, mboujguenj guxmaz, sinq, muengh, aiq, sam cungj neix dwg yungjyenj miz hih; sam cungj neix, aiq ceiq dwg veijdaq hih.