Gihduz Hawj Vunz Rox 5 - Gij Baujcingq Moq Caeuq Geij Bonj Gij Baujcingq Daeuzdaeuz

Gienj saw ndaw fawz Cangqdiq

¹ Gou vanzlij raen boux naengh youq aen lungzeij mwnq, fawz gvaz de dawz miz gienj saw ndaw rog cungj sij miz saw he; gienj saw neix mwnq gienj sat de miz caet mwnq aeu lab ma demj hwj fung he.

² Gou vanzlij yawjraen boux bouxcai Cangqdiq hoenz hwdhwd rengz dwddwd he hemq goggog naeuz: “Byawz miz swhgwz boiqndaej mbek caet mwnq lab fung gienj saw neix hwj hoi gienj saw neix nej?”

³ Boux de yienghneix hemq naeuz, hoeng, gwnzmbwn, lajdeih, laj lajdeih cungj mij'z vunz miz swhgwz boiqndaej hoi gienj saw neix hwj doeg.

⁴ Gou raen mij'z vunz ndaej miz swhgwz boiqndaej hoi gienj saw neix hwj doeg le, couh doeknaiq hwj daej goggog hwnjdaeuj.

⁵ Yiengq, doengh boux boux gangj vah couh baenz he hih ndaw de miz boux he couh doiq gou naeuz: “Gaej daej, gaej daej; hawjm'z yawj hux, boux daj Youzdaq cuz ok daeuj hih caiceij, Daqveiq dih doengh daih gajlaeng dih boux mwnq, gaenq ndaej hingz lo. De ndaej mbek caet mwnq fung mwnq, ndaej hoi gienj saw mwnq lo.”

⁶ Gajlaeng gou caiq yawjraen duz yiengzlwg luj ngaiz vunz gaj goq he ndwn youq gaenh aen lungzeij baixndaw seiq duz doenghduz mwnq; gwnz ndang de miz caet gij gok caeuq caet cehra, couh dwg baij bae daengz ciqgyaiq gak dieg dih caet gij Hoenzsaenz Cangqdiq he.

⁷ Duz yiengzlwg mwnq byaij goqbae, daj ndaw fawz gvaz boux naengh youq aen lungzeij mwnq aeu gienj saw mwnq ma.

⁸ Couh youq mwhneix, seiq duz doenghduz mwnq caeuq ngeihseiq boux boux gangj vah couh baenz mwnq cungj gvih bomz roengz dangqnaj duz yiengzlwg mwnq bae, gak duz, gak boux ndaw fawz cungj dawz miz aen gimz he caeuq riuj miz aen luz gim coux rim gij yieng he. Gij yieng neix couh dwg daiqbiuj gij vunz Cangqdiq gouzhaenh de he.

⁹ Gyoengqde ciengq diuz go moq he, ciengq naeuz: Mwngz boiqndaej dawz gienj saw, Boiqndaej mbek gij lab fung, Aenvih mwngz ngaiz vunz gaj goq. Mwngz yungh gij lwed mwngz Daj gak cuz, gak minzcuz, gak guek, gak mwnq vunz gangj mbouj doengz hih vah, Cueg gij vunz ma gvi hawj Cangqdiq,

¹⁰ Hawj gyoengqde ndaej bienqbaenz gij vunz aen guek Cangqdiq, Guh boux goengjsae dajbwiz Cangqdiq; Gyoengqde ij youq lajmbwn guh vuengz gaem gienz.

¹¹ Gyoengqde yienghneix ciengq le, gajlaeng, gou vanzlij caiq yawjraen caemh dingqri youq seiqhenz aen lungzeij mwnq caeuq seiq duz doenghduz mwnq caeuq doengh boux boux gangj vah couh baenz mwnq miz ciencien fanhfanh boux bouxcai Cangqdiq

¹² hemq goggog naeuz: Ngaiz gaj goq hih yiengzlwg boiqndaej gaem gienz, Boiqndaej fouqmiz, Boiqndaej coengjmingz, Boiqndaej miz rengz, Boiqndaej ing'yungz, Boiqndaej najrongh caeuq haenh.

¹³ Gajlaeng, gou vanzlij caiq dingqri gwnzmbwn, lajdeih caeuq laj lajdeih, caeuq ndaw haij, caeuq lajmbwn sojmiz cauh okdaeuj hih cungj naeuz: Muengh haenh, ing'yungz, najrongh, gaem gienz cungj yungjyungj yenjyenj gvi hawj boux naengh youq aen lungzeij mwnq caeuq duz yiengzlwg mwnq!

¹⁴ Gyoengqde yienghneix naeuz sat le, seiq duz doenghduz mwnq couh naeuz: “Ahmaenz!” Gyoengq doengh boux gangj vah couh baenz mwnq caemh bomz roengzbae sax.