Gihduz Hawj Vunz Rox 4 - Gij Baujcingq Moq Caeuq Geij Bonj Gij Baujcingq Daeuzdaeuz

Yozhanq luj fangxngwnzloq yienghmwnq yawjraen gwnzmbwn

¹ Boux de gangj sat doenghgij vah neix le, gajlaeng gou caiq yawjraen gwnzmbwn miz aen dou he hoi hwj. Gaxgonq gou dingqri goq hih gij sing gog saxsax luj boq gywnhhauh mwnq caiq doiq gou naeuz: “Mwngz hwnj dineix daeuj; gou ij naeuz mwngz ni baezneix gaengjdingq ij fatseng hih saeh.”

² Gou dingqri gij sing neix yienghneix naeuz le, Hoenzsaenz Cangqdiq couh majcangq doz youq gwnz ndang gou hawj gou yawjraen gwnzmbwn miz aen lungzeij he; aen de miz boux he naengh hwj.

³ Baj naj boux de rongh sagsag luj bizhiq caeuq luj hungzbaujsig nwih; seiqhenz eij de miz luj luzbaujsig, caemh luj saijdoengz yienghmwnq gvaengx goqbae.

⁴ Seiqhenz eij de caemh vanzlij miz ngeihseiq mwnq naengh, caemh miz ngeihseiq boux boux gangj vah couh baenz he daenj buh bieg hwj, gwnz raeuj gyoengqde caemh gyok miz gyokraeuj gim hwj, naengh youq mwnq.

⁵ Aen lungzeij mwnq miz byajmyig byajraez, miz sing yiengj rumxrumx. Dangqnaj aen lungzeij mwnq diemj miz caet aen daeng; caet aen daeng neix couh dwg caet gij Hoenzsaenz Cangqdiq.

⁶ Dangqnaj aen lungzeij mwnq miz aen haij bohliz he myig myiengzmyiengz luj ceijsingh nwih. Seiqhenz aen lungzeij mwnq couh dwg ngeihseiq aen eij caeuq lungzeij dih cungqgyan de miz seiq duz doenghduz; doengh duz de dangqnaj baixlaeng cungj miz ra.

⁷ Daixit duz luj duz caiceij, daixngeih duz luj cwzlwg, daixsam duz baj naj de luj baj naj vunz, daixseiq duz luj duz yiuh mbin.

⁸ Seiq doenghduz neix duzduz cungj miz roek gij fwed, baixndaw baixrog cungj miz ra hwj rim bae. Gyoengqde ngwnzngoenz cungj mbouj dingz hih haenh naeuz: Singq hwx! Singq hwx! Singq hwx! Bouxcawj raeuz Cangqdiq, gaxgonq seizneix baezneix yungjyungj yenjyenj miz dih akak rengzrengz gaiqgaiq cungj ndaej guh daengz dih Cangqdiq! Singq hwx!

⁹ Moix it mbat roeb daengz seiq duz mwnq haenh najrongh ing'yungz docih cungj dwg gvi hawj boux seiqseiz lix hih boux naengh youq aen lungzeij mwnq hih mwhde,

¹⁰ ngeihseiq boux boux gangj vah couh baenz mwnq cungj gvih bomz roengz dangqnaj boux seiqseiz lix hih boux naengh youq aen lungzeij mwnq bae sax de, caemh duet aen gyokraeuj gim coengq youq dangqnaj aen lungzeij mwnq hwj haenh naeuz:

¹¹ “Bouxcawj raeuz, Cangqdiq raeuz, mwngz dwg boiqndaej najrongh, ing'yungz caeuq gaem gienz he, aenvih mwngz cauh liux sojmiz hih; sojmiz hih cungj dwg ciuq mwngz dih cawjeiq hwj ndaej cauh ndaej miz he.”