Gihduz Hawj Vunz Rox 19 - Gij Baujcingq Moq Caeuq Geij Bonj Gij Baujcingq Daeuzdaeuz

Gwnzmbwn hih vunz haenh Cangqdiq

¹ Gajlaeng gou caiq luj fangxngwnzloq yienghmwnq dingqri miz haujlai sing vunz youq gwnzmbwn hemq goggog naeuz: “Hahliqluqyaq! Hahliqluqyaq! Ndaej gouq, najrongh, akak rengzrengz cungj dwg gvi hawj Cangqdiq!

² De dih saemjbuenq dwg gunghbingz gunghcingq hih, saedsaeh hih; de saemjbuenq boux lauxgawj geq haih baenx cenz lajmbwn mwnq, bang gij hoiq bonjfaenh ngaiz de haihrai boixhaemz.”

³ Vanzlij caiq hemq naeuz: “Hahliqluqyaq! Gyemz lauxgawj geq hih oenq yungjyenj oenq mbouj rox sat.”

⁴ Gij sing mwnq yienghneix hemq le, gou caiq yawjraen ngeihseiq boux vunz gangj vah couh baenz mwnq caeuq seiq duz doenghduz mwnq couh bomz sax naengh youq aen lungzeij mwnq dih Cangqdiq; gyoengqde naeuz: “Ahmaenz! Hahliqluqyaq!”

⁵ Couh youq mwhneix, miz sing daj aen lungzeij mwnq gangj vah okdaeuj naeuz: “Sojmiz Cangqdiq dih hoiq, famz yawjnaek de hih, mboujguenj dang ak cixnaeuz mij dang saek yiengh, yaqyuij hih vunz, cungj ij haenh raeuz dih Cangqdiq!”

⁶ Gajlaeng, gou caiq dingqri lujnaeuz baenxbienh vunz cix lujnaeuz raemxfai biu cix lujnaeuz byajraez yienghmwnq gog saxsax hemq naeuz: “Hahliqluqyaq! Bouxcawj raeuz akak rengzrengz gaiqgaiq cungj ndaej guh daengz dih Cangqdiq guh vuengz lux!

⁷ Gyoengqraeuz ij haenjheiq, ij angq! Sojmiz hih najrongh cungj dwg gvi hawj de, aenvih duz yiengzlwg gaenq daengz mwh aeu yah he lo; bawxmoq gaenq cwnjbiq ndei lo.

⁸ De ndaej miz buh siqmaz bieg daenj hwj.” (Dineix dih ‘buh siqmaz’ dwg daiqbiuj gij vunz Cangqdiq guh ndaej hab'eiq habhoz de he.)

⁹ Gajlaeng, bouxcai Cangqdiq doiq gou naeuz: “Mwngz ij sij gawq vah neix hwnjdaeuj, couh dwg: ‘Famz ndaej cingj daeuj camhgyah gw gij laeuj duz yiengzlwg gyezvwnh hih miz fuk lo!’” Gajlaeng bouxcai caiq naeuz: “Gawq vah neix dwg gij vah Cangqdiq he, caemh dwg saedsaeh hih.”

¹⁰ Gou dingq daengz yienghneix le, couh gvih bomz roengz dangqnaj bouxcai mwnq bae ij baiqsax de lo, hoeng, de dauq naeuz: “Ciengeiz mbouj ndaej! Mwngz caeuq gou caeuq doenghheij sojmiz vih Yehsuh hwj guh cingqyinz hih doenghheij beixbeix nuengxnuengx cungj dwg doxdoengz dwg bouxhoiq Cangqdiq hih. Mwngz ij gvih ij baiq wngdang gvih baiq Cangqdiq, aenvih boux cenz gij vah Cangqdiq soj gangj hih vah, cungj dwg gvanhhih Yehsuh he.”

Gwih max bieg hih vunz

¹¹ Gajlaeng gou caiq luj fangxngwnzloq yienghmwnq yawjraen aen mbwn hoi hwj, caemh yawjraen miz duz max bieg he miz boux vunz he gwih youq gwnz gumq duz de hwj; boux gwih duz de mwnq gij coh de heuh ‘Saedsaeh’ caeuq ‘Sinq ndaej goq.’ Boux de saemjbuenq dwg goengbingz hih, doxhoenx caemh dwg gw leixdauh hih.

¹² Cehra boux de luj duj feiz he, ndaek raeuj de gyok miz haujlai aen guraeuj, gwnz ndang de caemh sij miz gij coh he. Gij coh neix caenhgag de cij rox dwg gijmaz iqswh; mij'z vunz ndaej rox.

¹³ De daenj miz diuz buh cimq roengz lwed bae hwj hoengz liux he. Gij coh de heuh ‘Gij Vah Cangqdiq.’

¹⁴ Gaen youq gajlaeng de miz gij bing gwnzmbwn gwih max bieg hwj; gyoengqde daenj buh siqmaz youh bieg youh cengh.

¹⁵ Conghbak de hamz miz fag giemq raeh rwdrwd he, gij byai giemq de dwg yiengq doxok he. De dwg yungh fag giemq neix ma hoenxhingz lajmbwn sojmiz hih guek, yungh mbaenq diet ma guenjciq gyoengqde, caemh caij benj gij buzdauz ndaw ciz, yienghneix ndaej yienh ok akak rengzrengz gaiqgaiq cungj ndaej guh daengz dih Cangqdiq dih aeuqheiq.

¹⁶ Diuz buh de caeuq gwnz bangqha de sij miz naeuz: “Vuengz hih Vuengz, Cawj hih Cawj,” gawq neix.

¹⁷ Gajlaeng gou caiq yawjraen boux bouxcai he ndwn youq gwnz aen gyangjngoenz, doiq sojmiz mbin youq cungqgyan mbwn hih roeg hemq naeuz: “Daeuj bax, doxcaeuq bae camhgyah gw gij laeuj Cangqdiq,

¹⁸ bae gw gij noh lajmbwn hih vuengz, caeuq gw gij noh canghgywnh hah, binggyep hah, caeuq gw gij noh max caeuq boux gwih duz max de, caeuq gij noh sojmiz hih swqyouz vunz caeuq guh hoiq hih vunz, caeuq mboujguenj dang ak cixnaeuz yaqyuij hih vunz he.”

¹⁹ Gajlaeng gou caiq yawjraen duz nyaen mwnq caeuq lajmbwn hih vuengz caeuq gij bing gyoengqde cungj doxcomz hwnjdaeuj ij caeuq boux gwih max bieg mwnq caeuq gyoengq bing de doxhoenx.

²⁰ Hoeng, gajlaeng duz nyaen mwnq engq ngaiz gaemh dawz lo, daiqlienz boux youq dangqnaj duz nyaen mwnq doeng loengh sae loengh hwj coemx vunz, hawj vunz yaenq miz gij yaenq duz nyaen caeuq baiq duz you nyaen hih boux gyaj hih boux cenz gij vah Cangqdiq cungj ngaiz gaemh dawz lo, cungj ngaiz itheij gveng haeuj mwnq liuzvangz dawz feiz mwnq luj aen huz he bae lo.

²¹ Lij lw hih caemh ngaiz fag giemq boux gwih max bieg mwnq iet okdaeuj ndaemq dawz rai liux lo. Sojmiz hih roeg caemh ndaej gw gij noh gyoengqde hwj imq lo.