Gihduz Hawj Vunz Rox 11 - Gij Baujcingq Moq Caeuq Geij Bonj Gij Baujcingq Daeuzdaeuz

Song boux cingqyinz

¹ Bouxcai mwnq yienghneix naeuz le, gajlaeng gou vanzlij luj fangxngwnzloq yienghmwnq ciep aeu diuz ganj em luj diuz cik yienghmwnq he, caemhcaiq dingqri miz sing doiq gou naeuz: “Hwnq! Mwngz bae raurau aen laeuz gunghdenq Cangqdiq caeuq aen luz dajbwiz de, caemh geqgeq doenghheij vunz youq ndaw gunghdenq de baiq de he.

² Hoeng, mboujyungh rau baixrog aen laeuz gunghdenq baixndaw veizciengz mwnq hoengq mwnq lo, aenvih mwnq gaenq hawj doenghheij mbouj dwg gij vunz Cangqdiq he lo. Doenghheij vunz mwnq boqvaiq aen singz gvi hawj Cangqdiq seiqcib ngeih ndwen.

³ Gou ij hawj gienz hawj song boux cingqyinz gou, hawj song boux de daenj buh daehmaz hwj, hawj song boux de bae cenzgangj gij vah Cangqdiq, ij cenz itcien songbak roekcib ngoenz.”

⁴ Song boux cingqyinz mwnq couh dwg song go makmbi caeuq song aen gyaqdaeng youq dangqnaj bouxcawj lajmbwn sojmiz hih mwnq lo.

⁵ Song boux mwnq, hauhnaeuz miz vunz siengj haih song boux de nex, couh miz feiz daj conghbak song boux de ok daeuj, gyemz dawz gij vunz haemzcaeuz song boux de rai. Fanjcingq sojmiz ij haih song boux de hih cungj dwg ngaiz yienghneix rai.

⁶ Song boux mwnq youq mwh cenzgangj gij vah Cangqdiq hih mwhde, miz gienz ndaej fung aen mbwn, mbouj hawj aen mbwn fwn doek, caemh miz gienz ndaej hawj raemx bienq lwed, caemhcaiq miz gienz ndaej seizbienh hawj gak cungj nanh dawz lajmbwn sojmiz hih dieg.

⁷ Song boux cingqyinz mwnq cenzgangj liux le, miz duz nyaen geizheih he daj ndaw vaengz mwnq ok daeuj hoenx song boux de, hoenxhingz song boux de, gajrai song boux de.

⁸ Gij seihaiz song boux de baij youq gwnz gai aen singz hung. Aen singz neix aeu beijgangj ma heuh couh dwg heuh Sojdohmaj Singz, caeuq heuh Ngaihgiz, couh dwg mwnq dieg bouxcawj song boux de ngaiz ding hwnj gwnz gyaq cixcib bae hih mwnq lo.

⁹ Gij seihaiz song boux de baij youq mwnq sam ngoenz buenq, mbouj hawj vunz dawz bae moek, coengq hwj lajmbwn mboujguenj guxmaz vunz cungj ndaej raen: gak minzcuz hah, gak aen cuz hah, gak gangj mbouj doengz hih vah hah, gak guek hah cungj miz vunz raen gij seihaiz song boux de.

¹⁰ Lajmbwn hih vunz cungj vih song boux de ngaiz rai hwj angq ij rai, cungj doxsoengq laex, aenvih song boux cenz gij vah Cangqdiq neix hawj gij vunz lajmbwn souh nanh goq.

¹¹ Hoeng, sam ngoenz buenq goq le, Cangqdiq couh hawj gij heiq miz mingh he haeuj gwnz ndang song boux de bae, yiengq song boux de couh ndaej ndwn hwnjdaeuj, guh hwj youq mwnq sojmiz yawjraen hih vunz cungj lau hwj ij rai.

¹² Gajlaeng, gou vanzlij dingqri miz sing daj gwnzmbwn doiq song boux de mwnq gangj goggog naeuz: “Hwnj dineix daeuj!” Song boux de dingqri yienghneix le, couh caeuq gij fwj hwnj mbwn bae lo, yiengq doenghheij caeuq song boux de miz haemzcaeuz he caemh yawj song boux de hwnj bae.

¹³ Couh youq mwh song boux de hwnj mbwn bae hih mwhde, deih doengh youqgaenj raixcaix, guh hwj aen singz mwnq doemq bae baenx cib faenh cih it, vunz cixcaemh ngaiz rai bae caetcien vunz. Lij lix hih vunz cungj lau hwj ij rai bae, couh haenh naeuz youq gwnzmbwn dih Cangqdiq veijdaq raixcaix.

¹⁴ Yiengq daixngeih mbat nanh goq lo; daixsam mbat nanh couh ij daengz lo.

Daixcaet boux bouxcai boq gywnhhauh

¹⁵ Yiengq daengz daixcaet boux bouxcai boq gywnhhauh. Boq hih mwhde, gwnzmbwn miz sing hemq goggog naeuz: “Aen ciqgyaiq neix gaenq bienqbaenz aen guek Cangqdiq caeuq aen guek Yehsuh, Cangqdiq soj laeb dih Gihduz lo! Cangqdiq ij yungjyungj yenjyenj guh vuengz gaem gienz roengzbae!”

¹⁶ Yiengq youq dangqnaj Cangqdiq hih ngeihseiq boux boux gangj vah couh baenz hih, gag naengh youq mwnq naengh bonjfaenh hih mwnq, dingq daengz yienghneix le, couh bomz roengz doem bae baiqsax Cangqdiq,

¹⁷ naeuz: “Gaxgonq, seizneix dih Cangqdiq, akak rengzrengz gaiqgaiq cungj ndaej guh daengz dih Cangqdiq bouxcawj, gyoengqraeuz docih mwngz, aenvih mwngz guh vuengz gaem gienz.

¹⁸ Lajmbwn hih vunz cungj fatheiq, hoeng, mwngz caemh fatheiq lo. Mwngz saemjbuenq vunzrai hih mwhde caemh daengz lo. Mwngz cungj cangjliq hawj doengh boux cenz gij vah mwngz hih bouxhoiq mwngz, caeuq gij vunz mwngz yawjnaek mwngz hih; mboujguenj dang ak cixnaeuz yaqyuij, mwngz cungj cangj hawj. Mwngz caemh ij hawj doenghheij boqvaiq ciqgyaiq hih vunz satsoq lo!”

¹⁹ Couh youq mwh gyoengqde yienghneix haenh naeuz hih mwhde, aen cangqbungz gwnzmbwn Cangqdiq fungh baixndaw hoi lo; aen gvih coengq miz baengzgawq ndaw cangqbungz mwnq yienh sagsag lo. Gajlaeng, couh miz byajmyig byajraez byagcaej, miz sing yiengj rumxrumx, cix miz deihdoengh.