Gihduz Hawj Vunz Rox 10 - Gij Baujcingq Moq Caeuq Geij Bonj Gij Baujcingq Daeuzdaeuz

Bouxcai caeuq gienj saw iq

¹ Gajlaeng gou caiq yawjraen miz daixlingh boux bouxcai Cangqdiq miz rengz raixcaix he daj gwnzmbwn roengz bae. Gwnz ndang de miz fwj guem hwj, gwnz raeuj de caemh miz saijdoengz, baj naj de luj gyangjngoenz, song gij ha de luj diuz saeu feiz he,

² ndaw fawz de dawz miz gienj saw iq hoi he. Ha gvaz de yamq youq gwnz haij; ha swix de yamq youq gwnz doem.

³ Boux de hemq goggog luj gij sing duz caiceij yienghmwnq gog. De hemq sat le, couh miz caet mbat byajraez.

⁴ Caet mbat byajraez goq le, gou cingq ij dawz gij iqswh byajraez mwnq sij geiq hwnjdaeuj lo. Hoeng, couh youq mwhneix, miz sing daj gwnzmbwn doiq gou naeuz: “Caet mbat byajraez soj gangj hih vah mwngz mbouj ndaej sij okdaeuj, ij baujmiz.”

⁵ Gajlaeng gou caiq yawjraen bouxcai ha he yamq youq gwnz haij ha he yamq youq gwnz doem hih bouxcai mwnq, fawz gvaz de yingx hwnj gwnzmbwn,

⁶ yinx laeng boux cauh mbwn cauh deih, cauh haij caeuq cauh sojmiz hih seiqseiz lix dih Cangqdiq bae fazsiq baujcingq naeuz: “Cizgyenh daengz lo!

⁷ Daengj daixcaet boux bouxcai boq gywnhhauh mwhde, Cangqdiq dih giqvaq miqmiz couh ij doiqyienh lo, couh dwg de doiq bouxhoiq de, gyoengq boux cenz gij vah de, gangj goq hih gij giqvaq miqmiz mwnq.”

⁸ Gajlaeng gou caiq dingqri gij sing gaxgonq daj gwnzmbwn doiq gou gangj vah hih gij sing mwnq caiq doiq gou naeuz: “Bae! Mwngz bae laeng boux gij ha de yamq youq gwnz haij caeuq yamq youq gwnz doem hih bouxcai mwnq aeu gienj saw iq hoi mwnq ma.”

⁹ Gou dingqri daengz yienghneix le, couh byaij bae daengz bouxcai mwnq, doiq bouxcai mwnq naeuz: “Cingj mwngz dawz gienj saw iq neix hawj gou bax.” Boux de dingq le, couh doiq gou naeuz: “Dawz bae bax, dawz bae gyan roengz dungx bae. Gienj de gaengjdingq hawj aen dungx mwngz haemzhaemz saepsaep, hoeng, conghbak mwngz gaengjdingq dauq diemz subsub, diemz luj dangzrwi nwih.”

¹⁰ Couh yienghneix, gou couh daj ndaw fawz bouxcai mwnq aeu gienj saw iq mwnq ma, aeu ma couh gw roengzbae. Gw hih mwhde, ndaw bak gou cingqgawq diemz subsub, hoeng, daengj daengz gou gyan roengzbae le, aen dungx gou cingqgawq roxnginh haemzhaemz saepsaep.

¹¹ Gajlaeng bouxcai mwnq caiq doiq gou naeuz: “Mwngz bietdingh ij dawz gij vah Cangqdiq gvanhhih lajmbwn sojmiz hih vunz hih saeh cenzgangj naeuz vunz ni; mboujguenj aen minzcuzlaw, aen gueklaw, goeng'aklaw, gangj guxmaz vah, cungj ij cenzgangj.”