Geiq Luqdwz 3 - Gij Baujcingq Moq Caeuq Geij Bonj Gij Baujcingq Daeuzdaeuz

Nazngozmij bang Luqdwz cimh gvan

¹ Miz ngoenz he, meh gyaboz Luqdwz doiq Luqdwz naeuz: “Lwg hax, gou ij bang mwngz cimh aen gya ndei he, hawj mwngz baezneix saedceij goq ndaej engqgya ndei.

² Neq, couh dwg mwngz mbat gaxgonq bae gaen gij hoiq vunzbaz de nyaeb mienh hax, Boh'ahswh hax, de caiq caeuq raeuz dwg beixnuengx caemh nginz caemh rag he hwj, de doiq raeuz cix ndei. Haemhneix de ij bae caiqcangz feiq mienh.

³ Yiengq mwngz haemhneix couh swiq ndang ndei, cat yanghceij hwj, daenj buh seuqset hwj, couh caegcaeg bae mwnq daengj de. Hoeng, mbouj ndaej hawj de raen, hawj de rox.

⁴ Daengj daengz de gw haeux sat le, bae ninz mwhde, mwngz ij cuqhiq de, yawj de ninz youq mwnqlaw. Daengj de ninz ndaek le, mwngz couh bae cij fan denz goemq rwengjdin de, ninz youq henz din de. Daengz mwhde, de swhmboujyienz naeuz mwngz ni ij baenzlaw guh.”

⁵ Luqdwz dingq le, couh han naeuz: “Ox, mwngz hawj gou baenzlaw guh, gou couh baenzlaw guh.”

⁶ Gajlaeng Luqdwz couh ciuq meh gyaboz de naeuz hih yienghmwnq bae guh. Haemh mwnq de couh bae daengz caiqcangz daengj Boh'ahswh.

⁷ Yiengq haemh mwnq Boh'ahswh caemh bae caiqcangz feiq mienh, gajlaeng youq mwnq gw haeuxcaeuz. Gw imq gw gaeuq le, roxnginh ndaw sim soeng dangqmaz, couh bae henz dong mienh ninz lo. Luqdwz daengj de ninz ndaek le, couh menhmenh byaij goqbae, bwenj rwengjdin de hih gok denz he, couh ninz youq henz din de.

⁸ Ninz daengz gyangjngwnz le, Boh'ahswh sawqmwh singj hwj fonj mbat ndang he. Fonj le, de raen miz boux vunzbaz he ninz youq henz din de.

⁹ De raen yienghneix le, couh naeuz: “Veix! Mwngz dwg bouxlaw?” Gajlaeng Luqdwz couh han naeuz: “Ox, gou dwg bouxhoiq mwngz dih Luqdwz. Cingj mwngz aeu gok denz mwngz ma goemqgoemq gou bax, aenvih mwngz youq ndaw cuz raeuz dwg boux beixnuengx caemh nginz caemh rag he, miz swzyimq goqhoh gou he.”

¹⁰ Boh'ahswh dingq le, naeuz: “Muengh Yehhozvaz soengq fuk hawj mwngz! Baenjlaiz mwngz seizbienh ndaej cimh boux hauxseng baenxmbauq he ma guh gvan hih, mboujguenj boux de gungz haj cixnaeuz fouq, hoeng mwngz cungj mbouj bae cimh, dauq daeuj laeng gou lah. Ciuq yienghneix ma yawj, engqgya rox mwngz doiq aen gya goeng gojyez mwngz baenxlai ndei, baenxlai lauxsaed lo.”

¹¹ De caiq naeuz: “Lwg hah, mwngz gaejyungh heiq; mwngz soj gouz hih, gou gaengjdingq nganhbaiz ndei hawj mwngz. Gij vunz ndaw singz cungj rox naeuz mwngz dwg boux aeueiq bouxlaux he, gw dauhleix caemh gig roxsoq he.

¹² Mwngz naeuz ndaej deng hah; gou dwg boux beixnuengx caemh nginz caemh rag he, hoeng vanzlij miz boux laem beij gou caeuq aen cuz mwngz haemq caen he; de engqgya miz swzyimq ij goqhoh mwngz.

¹³ Yienghneix bax, haemhneix mwngz couh youq dineix youq. Daengj ngoenzcog gou menh bae yawjyawj boux mwnq caen mbouj caensim doiq mwngz, baujhuq mwngz. Hauhnaeuz de haenj nex, sien nyiengh hawj de gaxgonq; hauhnaeuz de mbouj haenj nex, gou gamj yiengq seiqseiz lix dih Yehhozvaz baujcingq, gou caensim fuqswz aeu mwngz. Seizneix mwngz coengqsim ninz daengz ranzrongh bax.”

¹⁴ Couh yienghneix, de couh youq henz din Boh'ahswh ninz daengz ranz buemxsuemj cij hwnq. Boh'ahswh ndaw sim caemh gag naemj naeuz: “Ciengeiz mbouj ndaej hawj bouxlaw rox boux vunzbaz neix daeuj dineix goq.”

¹⁵ Gajlaeng Boh'ahswh doiq de naeuz: “Dawz mbaw bauhdaeuzginh mwngz mbe ndei hwj, daengj gou raix mienh hawj mwngz.” Luqdwz caemh ciuq guh lo. Boh'ahswh couh raix mienh hawj de, miz roek faenqgei yienghneix, caiq bang de dawz hwnj mbaq bae, gajlaeng de couh maj ndaw singz lo.

¹⁶ Luqdwz ma daengz ranz le, meh gyaboz de cam de naeuz: “Baenzlaw yiengh hah, lwg hax?” Yiengq Luqdwz couh gangj naeuz meh gyaboz de ni, Boh'ahswh baenzlawz baenzlawz.

¹⁷ Caemh naeuz: “De vanzlij naeuz: ‘Mwngz mbouj ndaej fawz hoengq maj; ij aeu di mienh maj hawj meh gyaboz mwngz cij ndaej,’ yiengq de couh hawj gou baenx lai mienh lo.”

¹⁸ Meh gyaboz dingq le, couh naeuz: “Lwg hah, raeuz couh naengh roengzma daengj bax. Coengqsim, de ngoenzneix gaengjdingq banh ndei gij saeh neix; de banh mbouj ndaej mbouj fug hih.”