Geiq Dwzbaijyienz 3 - Gij Baujcingq Moq Caeuq Geij Bonj Gij Baujcingq Daeuzdaeuz

Bijdwz caeuq Yozhanq yw ndei boux ha'gyad he

¹ Miz ngoenz he, yaquj sam diemjcung yienghneix, couh dwg mwh gij vunz Youzdaiq doxcomz haenh Cangqdiq gouz Cangqdiq hih mwhde, Bijdwz caeuq Yozhanq caemh bae gunghdenq Cangqdiq camhgyah.

² Yiengq youq gunghdenq hih bakdou he (bakdou neix heuh Dou Gyaeu) miz boux vunz gyad he; boux de dwg daiqseng baenz he. De ngoenzngoenz cungj hawj vunz ram de daeuj daengz bakdou neix, daeuj mwnq neix dwg ijsiengj ndaej laeng gij vunz haeuj gunghdenq bae he vaq aeu ngaenz.

³ Couh youq mwhneix, de yawjraen Bijdwz caeuq Yozhanq ij haeuj gunghdenq bae; de couh gouz song boux de, siengj laeng song boux de aeu ngaenz.

⁴ Song boux de raen le, couh cimyawj de, gajlaeng Bijdwz couh doiq de naeuz: “Yawj haeuj laeng song boux raeuz daeuj!”

⁵ Yiengq boux de couh cimyawj song boux de, naemqnaeuz ij ndaej gijmaz lah.

⁶ Danxdaeuz, Bijdwz dauq naeuz: “Gim ngaenz gou cungj mbouj miz, hoeng gou ndaej hawj mwngz gou miz hih, couh dwg gou ij hij gij gienz Mbanj Nazsajlwz vunz Yehsuh Gihduz ma mingqlingq mwngz, mingqlingq mwngz ndwn hwnjdaeuj byaij.”

⁷ Bijdwz gangj doengh gawq neix sat le, couh rag dawz gij fawz gvaz de raeuz de hwnq. Couh youq mwhneix, gij ha caeuq gij ndok duqbaeu de couh doq ndei ndwtndwt hwnjdaeuj;

⁸ de couh doq diuq ndwn hwnjdaeuj, couh doq byaij. Gajlaeng de vanzlij caemh gaen gyoengqde byaij haeuj gunghdenq bae, caemh doq diuq doq bae, caiq doq haenh Cangqdiq.

⁹ Gyoengq vunz mwnq yawjraen de doq byaij caiq doq haenh Cangqdiq,

¹⁰ caemh rox boux de couh dwg bienqnaengz naengh youq gunghdenq Cangqdiq hih bakdou heuh Dou Gyaeu mwnq guh gaujvaq hih boux mwnq, couh doiq gij saeh de geizheih ij rai bae.

¹¹ Boux vunz mwnq rag dawz gij fawz Bijdwz caeuq gij fawz Yozhanq hwj byaij daengz gunghdenq Cangqdiq hih mwnq heuh Sojlozmaenz dih soujlangz he hih mwhde, gij vunz raen de yienghneix ndaej byaij hwj ndei ndwtndwt le, cungj raen geizheih ij rai bae, couh riq goq laeng gyoengqde mwnq bae.

Bijdwz youq gunghdenq Cangqdiq

¹² Bijdwz raen yienghneix le, couh doiq gyoengq vunzlai naeuz: “Gij vunz Hijswzlez faenhsou hax, faenhsou vihmaz raen geizheih nej? Faenhsou vihmaz ij cimyawj gyoengqraeuz nej, yawj gyoengqraeuz caenh lujnaeuz dwg baengh gij goengrengz gyoengqraeuz caeuq yawj gyoengqraeuz caenh lujnaeuz dwg baengh gyoengqraeuz dwg hab'eiq habhoz Cangqdiq hwj cij ndaej hawj boux vunz gyad neix byaij roen he nej?

¹³ Gizsaed gou saedsaeh naeuz sou ni hax, gij neix dwg baujcuk baujyouh Yaqbwzlahhanj, Hijsaj caeuq Yajgoz dih Cangqdiq, couh dwg cojgoeng raeuz dih Cangqdiq guh hih gij gingjgyauj neix lah. “De vih ij hawj bouxhoiq de Yehsuh najrongh, hoeng, faenhsou dauq dawz de gyau hawj Bijlahdoh. Baenjlaiz Bijlahdoh ijsiengj coengq de hih, hoeng, faenhsou dauq youq dangqnaj de haih de rai.

¹⁴ Faenhsou yiem boux ceiq ndei ceiq dingq Cangqdiq dih vunz, dauqfanj gouz Bijlahdoh coengq boux vunzfamh gaj vunz mwnq.

¹⁵ Faenhsou haihrai boux hawj vunz miz mingh he, hoeng, Cangqdiq dauq hawj boux de ndaej dauqlix lo. Gyoengqraeuz cungj dwg gij saeh neix hih cingqyinz.

¹⁶ Gangj daengz boux vunz gyad neix, faenhsou caemh rox boux vunz neix, de yienzlaiz dwg boux vunz gyad he; gajlaeng de ndaej ndei hih gij saeh neix, faenhsou caemh caenra raen lo. Yiengq gangj daengz gienh saeh ngoenzneix, caemh dwg vih sinq Yehsuh baengh Yehsuh hwj cij ndaej yw ndei he lah.”

¹⁷ Bijdwz gangj daengz neij le, caiq naeuz: “Gak boux beixnuengx hax, gou rox hah, gou rox faenhsou caeuq doengh boux dang daeuz faenhsou yienghneix doiq Yehsuh dwg mbouj rox bonjfaenh dauqdaej dwg guh gijmaz hih.

¹⁸ Hoeng, Cangqdiq gaenq senqsi cix hawj sojmiz hih doengh boux cenz gij vah de naeuz goq naeuz, de baij daeuj dih Gihduz ij ngaiz vunz haih. Gawq neix caemh cingqgawq lingz hoh nej.

¹⁹ Sojhij faenhsou ij daj ndaw sim nginh loek gaijgoq, dauqyungz nginh Cangqdiq sinq Cangqdiq. Yienghmwnq Cangqdiq couh mienx gij coih faenhsou,

²⁰ de caemh hawj faenhsou ndaej sim'onj lo, de vanzlij baij boux de senjdingh okdaeuj guh Gihduz he, couh dwg Yehsuh, baij de daeuj hawj faenhsou.

²¹ Hoeng, Gihduz bietdingh ij louz youq gwnzmbwn, itcig youq daengz Cangqdiq dauqyungz dawz de soj cauh hih cungj luj gaxgonq yienghmwnq ndei cij ndaej; gij neix dwg Cangqdiq senqsi cix hawj boux cenz gij vah de naeuz vunz ni lo.

²² Mohsih caemh naeuz goq: Bouxcawj raeuz, Cangqdiq, ij daj ndaw faenhsou baij boux luj gou yienghneix cenz gij vah Cangqdiq he daeuj; de doiq faenhsou soj gangj hih, faenhsou cungj ijaeu dingq.

²³ Famz mbouj dingq gij vah boux cenz gij vah Cangqdiq neix hih vunz cungj ij ngaiz daj ndaw gij vunz Cangqdiq ndaw de cawz de bae.”

²⁴ Bijdwz vanzlij caiq naeuz: “Sojmiz hih doengh boux cenz gij vah Cangqdiq he cungj gangj goq doengh ngoenz neix ij fatseng hih saeh, caemh dwg daj Sajmujwj boux neix doxdaeuj itcig cungj dwg.

²⁵ Faenhsou dwg doengh daih gajlaeng doengh boux cenz gij vah Cangqdiq he, caemh dwg ndaej ciep aeu Cangqdiq caeuq gij cojgoeng faenhsou soj dingh hih, couh dwg Cangqdiq doiq Yaqbwzlahhanj naeuz: Lajmbwn sojmiz hih minzcuz cungj dwg dajlaeng doengh daih gajlaeng mwngz dih boux he ndaej miz fuk hih gij neix.

²⁶ Sojhij Cangqdiq senj bouxhoiq de, sien baij de daeuj laeng faenhsou, soengq fuk hawj faenhsou, hawj faenhsou bouxboux mbouj caiq cimyex doenghgij doegsieb he.”