Geiq Dwzbaijyienz 12 - Gij Baujcingq Moq Caeuq Geij Bonj Gij Baujcingq Daeuzdaeuz

Bijdwz ngaiz gyaeng haeuj ndaw lauz

¹ Couh youq mwhneix, goengjvuengz Hihliz dauqcawq bae haih gij vunz youq gyauqveiq haemq cungqyauq he.

² De hawj vunz aeu giemq bae gajrai Yajgoz boux dwzbaijyienz neix, couh dwg daeggo Yozhanq.

³ Gajlaeng de rox gij vunz Youzdaiq haenj de yienghneix guh, couh ganhseiq caiq baij vunz bae gaemh Bijdwz. (Ngamqluj ngoenz mwnq dwg duenh aen ciet Cawz Yauqmuj he.)

⁴ De gaemh dawz Bijdwz le, couh dawz de gyaeng haeuj ndaw lauz bae, vanzlij baij baenx seiq buek vunz, it buek seiq boux hwj daeuj doxlwnz hen de, dajsuenq baex goq aen ciet Bienqgoqbae he, couh dawz de bae dangqnaj vunzlai saemj.

⁵ Bijdwz ngaiz gyaeng haeuj ndaw lauz bae le, gyauqveiq hih vunz cungj vih de hwj caenhrox gouz caenhrox gouz Cangqdiq.

⁶ Youq goengjvuengz Hihliz ij dawz Bijdwz ok bae saemj hih haemh gaxgonq de, Bijdwz ngaiz song boux bing gam hwj ninz youq cungqgyan de, caemh dwg ngaiz aeu song diuz lienh diet ma lienh hwj, bakdou caemh miz bing souj hwj.

⁷ Sawqmwh, miz boux bouxcai Cangqdiq he ndwn youq henz ndang Bijdwz, caemh miz ndaek gij myigmyiengz he rongh youq ndaw lauz. Bouxcai Cangqdiq bungqbungq famhdungx de heuh de singj, naeuz: “Bijdwz, Bijdwz, vaiqdi, vaiqdi hwnq!” Bouxcai yienghneix naeuz le, diuz lienh lamh fawz de couh doq duet lo.

⁸ Bouxcai caiq naeuz: “Cug ndei sairwet, daenj haiz ndei!” Bijdwz caemh ciuq de gangj hih yienghmwnq bae guh lo. Bouxcai youhcaiq naeuz: “Caiq daenj buh baixrog haem; gaen gou daeuj!”

⁹ Bijdwz dingq le, caemh gaen de bae lo. De gannaeuz gaen de bae lah, hoeng de gaenhbaenj mbouj rox bouxcai soj guh hih saeh dwg saedsaeh he; de naemqnaeuz bonjfaenh de fangxngwnzloq lah.

¹⁰ Song boux de byaij goq daixit caeuq daixngeih dauq canqgang, gajlaeng bae daengz aen dou diet gaenh diuz gai he. Aen dou de sawqmwh gag hoi, yiengq song boux de couh daj mwnq ok ma lo. Ok ma le, song boux de byaij goq diuz gai he. Sawqmwh bouxcai engq mij raen lo, biek de bae lo.

¹¹ Mij raen bouxcai le, Bijdwz cij singqsag goqdaeuj naeuz: “Ox, seizneix gou cingqcaen rox dwg Yehsuh Bouxcawj baij bouxcai de daeuj gouq gou daj ndaw fawz goengjvuengz Hihliz caeuq ndaw fawz gij vunz Youzdaiq duet okma lo.”

¹² De yienghneix ngeix daengz le, couh yiengq aen ranz Majliqyaq daxmeh Yozhanq-Majgoj byaij bae lo. Youq ndaw ranz de miz haujlai vunz doxcomz gouz Cangqdiq.

¹³ Bijdwz bae daengz bakdou de le, couh ndaek aen doumonz de, yiengq Lozdaq, dahhoiq ndaw ranz Majliqyaq, ok daeuj han.

¹⁴ Hoeng, daengj daengz de rox naeuz dwg gij sing Bijdwz le, engq angq hwj lumz hoi dou, dauq riq dauqlaeng maj naeuz gyoengq vunzlai ndaw ranz ni lah. De naeuz: “Ox! Bijdwz youq rog doumonz!”

¹⁵ Gyoengq vunz dingq le, cungj han naeuz: “Mwngz fatvangh hoh luh!” Hoeng de vanzlij dwg euq naeuz: “Cingqcaen dwg de!” Gajlaeng gyoengq vunz naeuz: “Yiengq aiq dwg bouxcai de luh.”

¹⁶ Bijdwz vanzlij dwg youq rog neix ndaek dou, mbouj dingz hih ndaek hwx ndaek hwx. Gajlaeng gyoengqde hoi dou lo. Baex hoi dou he, cingqgawq raen dwg Bijdwz gwhraix, guh hawj gyoengq vunz cungj raen geizheih ij rai bae.

¹⁷ Bijdwz raen yienghneix le, couh vadvad gij fawz de, hawj gyoengq vunz dingh roengzma. Gajlaeng de couh gangj naeuz gyoengqde ni, Yehsuh Bouxcawj baenzlawz baenzlawz daj ndaw lauz daiq de okma. Gangj naeuz gyoengqde ni liux le, de couh raengq gyoengqde naeuz: “Faenhsou dawz gij saeh neix gangj naeuz Yajgoz ni, caeuq doenghheij lwgsae ni.” De gangj sat doenghheij vah neix le, couh daj mwnq ok ma bae daixlingh mwnq lo.

¹⁸ Yiengq daengz ranzrongh le, gyoengq bing souj mwnq cij rox naeuz Bijdwz mbouj youq ndaw lauz, guh hwj cungj vueng liux, mbouj rox Bijdwz bae mwnqlaw lo.

¹⁹ Gajlaeng goengjvuengz Hihliz caemh rox lo. De rox le, cungj aeuqheiq hwj ij rai, couh majcangq baij vunz dauqcawq bae cimh, hoeng cungj cimh mij raen. Yiengq de ndatheiq le, couh saemj doengh boux bing gamsouj Bijdwz mwnq, gajlaeng vanzlij dawz gyoengqde gajrai liux. Gij saeh neix goq le, goengjvuengz Hihliz daj mwnq dieg gij vunz Youzdaiq bae daengz Gaijsajliqyaq Singz youq, youq mwnq camqciz youq duenh he.

Goengjvuengz Hihliz rai

²⁰ Goeng Hihliz aeuqheiq gij vunz Daiqwj Singz caeuq gij vunz Sihdoenq Singz, sojhij doengh gyoengq vunz mwnq couh ij baij vunz bae cimh goeng Hihliz. Bae cihsenz, gyoengqde sien bae longx goeng Bwzlahswhduh, goeng sungjguenj ndaw vangzgungh he, longx hawj de haeuj gyoengqde, bang gyoengqde, bang hawj gyoengqde ndaej caeuq goeng Hihliz doxhuz, aenvih gyoengqde ijsiengj dajlaeng goengjvuengz soj guenjyaz hih ndaej cawx haeux.

²¹ Yiengq daengz ngoenz dingh doxraennaj hih ngoenz mwnq, goeng Hihliz daenj buh lungzbauz hwj naengh youq aen lungzeij de, doiq gyoengq vunz gangj vah.

²² Goeng de gangj sat le, gyoengq vunz cungj hemq naeuz: “Ox! Mwngz gangj hih vah caenh luj cwnz gangj vah raixcaix!”

²³ Gyoengq vunz yienghneix hemq le, goeng Hihliz daekeiq vaujvauq. Baenjlaiz caenhgag Cangqdiq cij boiqndaej vunz yienghneix haenh he, hoeng de mij doi. Sojhij bouxcai Cangqdiq couh dangjciengz fad de, hawj de ngaiz gij non gwnz ndang bonjfaenh de haeb rai.

²⁴ Couh yienghneix, ijsiengj haih vunz hih, dauqfanj ngaiz gag rai; siengj laengz mbouj hawj vunz cenz gij vah Cangqdiq, hoeng, gij vah Cangqdiq dauqfanj yied ngoenz yied cenz ndaej vaiq, yied cenz yied cenz ndaej gvangq.

²⁵ Yiengq caiq gangj daengz Bahnazbah caeuq Saujloz, song boux de dawz doenghgij ij soengq hawj gyoengq lwgsae he soengq bae daengz Yehluqsajlaengj le, couh daiq boux heuh Yozhanq-Majgoj he dauq maj Anhdizah lo.