Bijdwz It 3 - Gij Baujcingq Moq Caeuq Geij Bonj Gij Baujcingq Daeuzdaeuz

Gangj daengz guh gvanjbaz

^1-2 Caemh doxdoengz, gangj daengz guh yah hih, faenhsou ij wnggai dingq caeuq swnh goeng gojyez bonjfaenh, yienghneix cungjsuenq naeuz miz hih gojyez, de mbouj sinq gij vah Cangqdiq hwjx, guh yah hih cungj mboujyungh gangj gijmaz; [2]gyoengqde cungj veiq vih faenhsou dih caepcingq caeuq soenhcungq vunz hwj [1b]doengh daengz sim.

³ Faenhsou gyaeu mbouj gyaeu mbouj dwg gauq cang raeuj cangj ndang, daiq gim venj ngaenz, daenj buh gyaeu buh ndei hih nej,

⁴ dauq dwg ndaw sim caeng miz hih yungjyenj mbouj rox bienq hih simsoh simdingh hih lah. Yienghneix hih gyaeu, aeu Cangqdiq ma yawj dwg dijbauj hih,

⁵ aenvih doenghbaez doenghheij vunzbaz gaep haeuj Cangqdiq gauq muengh Cangqdiq baengh Cangqdiq he hih doenghheij vunzbaz neix, gyoengqde dwg yienghneix sawjhawj bonjfaenh ndaej suenq gyaeu hih lah, gyoengqde cungj dwg dingq swnh goeng gojyez bonjfaenh he,

⁶ cingq luj Sajlah yienghmwnq mbouj lau hwj dingq swnh goeng gojyez de Yaqbwzlahhanj; de cwng goeng de heuh bouxcawj. Yiengq hauhnaeuz faenhsou caemh dwg yienghneix mbouj lau hwj dingq swnh goeng gojyez bonjfaenh, guh gij hab guh he, yiengq couh ndaej luj Sajlah yienghmwnq suenq dwg vunzbaz ndei, gyaeu he lo.

⁷ Caemh doxdoengz, faenhsou guh goengjgvan hih caemh ij soenhcungq mehyah, ij rox gvansim de, aenvih gyoengqde mbouj ndaej beij mwngz giengz. Hoeng, de caeuq mwngz doxdoengz caemh miz Cangqdiq nyok hawj hih saen hih mingh. Hauhnaeuz faenhsou ndaej yienghneix guh, faenhsou gouzhaenh Cangqdiq hih mwhde couh mbouj miz maz gaz dawz lo.

Guh ndeisaeh hwj ngaiz souh nanh

⁸ Mboujguenj guxmaz, sungj hih ma naeuz, gou gienq faenhsou hawj faenhsou doxcaezsim, doxgvansim, doxaiq, doxhojsik, doxnyiengh, mbouj ndaej gyauhngauq.

⁹ Mbouj ndaej vunz famh mwngz mwngz caemh famh vunz, vunz yug mwngz mwngz caemh yug vunz; dauqfanj ij hoh fuk hawj vunz, aenvih Cangqdiq senj faenhsou dwg hawj faenhsou yienghneix guh hih, dwg vih ij hawj faenhsou ndaej daengz de dih fuk hih.

¹⁰ Cingq luj ndaw Singqgingh ndaw de sij naeuz: Famz aiq saenghhoz hih, muengh ndaej goq ndei saedceij hih, bietdingh ij gimqcij diuz linx bonjfaenh gangj vah doeg vah sieb, mbouj hawj conghbak gangj gyajvah.

¹¹ Bietdingh ij yiem doeg hwj guh ndei, bietdingh ij haenj hozbingz gouz hozbingz,

¹² aenvih Cangqdiq dwg cauqguq simndei simsoh hih vunz hih, dwg dingq gyoengqde gouzhaenh hih, dwg fanjdeiq guh doeg guh sieb hih.

¹³ Yiengq, hauhnaeuz faenhsou haenj guh ndeisaeh, cix ij miz byawz haih faenhsou nej?

¹⁴ Caiq hauhnaeuz faenhsou vih guh ndaej ndei ndaej cingq hwj ngaiz souh nanh hih, faenhsou cungj caemh miz fuk hih; sojhij faenhsou gaejyungh lau vunz haep, gaejyungh simvueng.

¹⁵ Dauqfanj, faenhsou ij gingqbaiq Gihduz, nginh de dwg bouxcawj mwngz. Hauhnaeuz miz vunz cam faenhsou vihmaz miz muengh nex, faenhsou ij gaijyiz naeuz vunz ni, ndaw sim caemh ij cwnjbiq ndei seizlawz cungj ndaej gaijyiz naeuz vunz ni, daiqduq caemh ij ngeihheiq.

¹⁶ Caemh ij doiq ndaej hwnj liengzsim, yienghneix couh ndaej hawj doenghheij bangjlaih faenhsou hih, couh dwg doenghheij bangjlaih faenhsou vih Gihduz hwj soj guh hih ndeisaeh hih roxnginh najnyaenq lo.

¹⁷ Yiengq, hauhnaeuz faenhsou vih guh ndeisaeh hwj ngaiz souh nanh, caemh dwg Cangqdiq dih cawjeiq hih, couh giengz goq vih guh vaihsaeh hwj ngaiz souh nanh hih.

¹⁸ Gihduz de caemh dwg yienghneix; de vih ij mbat dog couh ndaej bang gyoengqraeuz daixgya rap coih hwj ngaiz rai lo, hoeng, de coengzlaiz cungj mij famh coih goq, dauq vih gij vunz miz coih hih hwj ngaiz rai lah, vih dwg ij daiq gyoengqraeuz bae daengz Cangqdiq mwnq. De yienghneix ngaiz rai, ciuq ndangnoh ma gangj, de rai lo, hoeng, ciuq hoenzsaenz ma gangj, de dauqlix lo.

¹⁹ Yiengq gangj daengz hoenzsaenz Gihduz, doenghbaez de cenzgangj gij vah Cangqdiq hawj vunz ni, hoeng, gyoengqde mbouj dingq, sojhij gyoengqde dih hoenzsaenz couh ngaiz gyaeng haeuj ndaw laep mwnq Cangqdiq fad vunz mwnq bae lo.

²⁰ Doenghheij vunz neix couh dwg doenghbaez Nozyaq cauh ruz hih mwhde Cangqdiq naenxsim daengj gyoengqde gaijgoq, hoeng, gyoengqde mbouj dingq, ngaiz rai youq ndaw raemx hih doenghheij vunz mwnq lo. Mwhde ndaej haeuj ruz bae ndaej daj ndaw raemx ndaej gouq hih vunz mbouj lai, cijngamq miz bet boux lah.

²¹ Ciengz raemxdumh neix, dwg beijgangj gyoengqraeuz sijlij lo, hoeng, sijlij mbouj dwg naeuz swiq aen ndang faenhsou cengh hwj ndaej gouq nej, dauq dwg daiqbiuj faenhsou gouz Cangqdiq hawj faenhsou bienqbaenz mij gijmaz doiq mbouj hwnj liengzsim he, dwg baengh Yehsuh Gihduz dauqlix hwj ndaej gouq hih lah.

²² Yehsuh Gihduz gaenq hwnj mbwn bae lo, gaenq naengh youq baixgvaz Cangqdiq lo. Sojmiz hih bouxcai Cangqdiq caeuq doenghheij gaem gienz dang ak he cungj dingq de cungj ngaiz de guenj.