O. Daf 121 - Bibeli Mimọ

OLUWA Aláàbò Wa

¹ EMI o gbé oju mi si ori oke wọnnì, nibo ni iranlọwọ mi yio ti nwa?

² Iranlọwọ mi yio ti ọwọ Oluwa wá, ti o da ọrun on aiye.

³ On kì yio jẹ́ ki ẹsẹ rẹ ki o yẹ̀; ẹniti npa ọ mọ́ kì yio tõgbe.

⁴ Kiyesi i, ẹniti npa Israeli mọ́, kì itõgbe, bẹ̃ni kì isùn.

⁵ Oluwa li olupamọ́ rẹ: Oluwa li ojiji rẹ li ọwọ ọ̀tún rẹ.

⁶ Orùn kì yio pa ọ nigba ọsan, tabi oṣupa nigba oru.

⁷ Oluwa yio pa ọ mọ́ kuro ninu ibi gbogbo: yio pa ọkàn rẹ mọ́.

⁸ Oluwa yio pa alọ ati àbọ rẹ mọ́ lati igba yi lọ, ati titi lailai.