O. Daf 120 - Bibeli Mimọ

Adura Ìrànlọ́wọ́

¹ NINU ipọnju mi emi kepè Oluwa, o si da mi lohùn.

² Oluwa, gbà ọkàn mi, lọwọ ète eke, ati lọwọ ahọn ẹ̀tan?

³ Kini ki a fi fun ọ? tabi kini ki a ṣe si ọ, ahọn ẹ̀tan.

⁴ Ọfà mimu alagbara, ti on ti ẹyin-iná igi juniperi!

⁵ Egbe ni fun mi, ti mo ṣe atipo ni Meṣeki, ti mo joko ninu agọ Kedari!

⁶ O ti pẹ ti ọkàn mi ti ba ẹniti o korira alafia gbe.

⁷ Alafia ni mo fẹ: ṣugbọn nigbati mo ba sọ̀rọ, ija ni ti wọn.