O. Daf 114 - Bibeli Mimọ

Orin Ìrékọjá

¹ NIGBATI Israeli jade kuro ni Egipti, ti ara-ile Jakobu kuro ninu àjeji ède enia;

² Juda di ibi mimọ́ rẹ̀, Israeli di ijọba rẹ̀.

³ Okun ri i, o si sá: Jordani pada sẹhin.

⁴ Awọn òke nla nfò bi àgbo, ati awọn òke kekèke bi ọdọ-agutan.

⁵ Kili o ṣe ọ, iwọ okun, ti iwọ fi sá? iwọ Jordani ti iwọ fi pada sẹhin?

⁶ Ẹnyin òke nla, ti ẹ fi nfò bi àgbo; ati ẹnyin òke kekèke bi ọdọ-agutan?

⁷ Warìri, iwọ ilẹ, niwaju Oluwa, niwaju Ọlọrun Jakobu.

⁸ Ẹniti o sọ apata di adagun omi, ati okuta-ibọn di orisun omi.