O. Daf 113 - Bibeli Mimọ

Yíyin OLUWA fún Oore Rẹ̀

¹ Ẹ ma yìn Oluwa! Ẹ ma yìn, ẹnyin iranṣẹ Oluwa, ẹ ma yìn orukọ Oluwa.

² Ibukún li orukọ Oluwa lati isisiyi lọ ati si i lailai.

³ Lati ila-õrun titi o fi de ìwọ rẹ̀ orukọ Oluwa ni ki a yìn.

⁴ Oluwa ga lori gbogbo orilẹ-ède, ogo rẹ̀ si wà lori ọrun.

⁵ Tali o dabi Oluwa Ọlọrun wa, ti o ngbe ibi giga.

⁶ Ẹniti o rẹ̀ ara rẹ̀ silẹ lati wò ohun ti o wà li ọrun ati li aiye!

⁷ O gbé talaka soke lati inu erupẹ wá, o si gbé olupọnju soke lati ori àtan wá;

⁸ Ki o le mu u joko pẹlu awọn ọmọ-alade, ani pẹlu awọn ọmọ-alade awọn enia rẹ̀.

⁹ O mu àgan obinrin gbe inu ile, lati ma ṣe oninu-didùn iya awọn ọmọ. Ẹ ma yìn Oluwa!