Jobu 25 - Bibeli Mimọ

¹ NIGBANA ni Bildadi, ara Ṣua, dahùn wipe,

² Ijọba ati ẹ̀ru mbẹ lọdọ rẹ̀, on ni iṣe ilaja ni ibi gigagiga rẹ̀.

³ Awọn ọmọ-ogun rẹ̀ ha ni iye bi, tabi ara tani imọlẹ rẹ̀ kò mọ́ si?

⁴ Eha ti ṣe ti a o fi da enia lare lọdọ Ọlọrun, tabi ẹniti a bi lati inu obinrin wá yio ha ṣe mọ́?

⁵ Kiyesi i, òṣupa kò si le itan imọlẹ, ani awọn ìrawọ kò mọlẹ li oju rẹ̀.

⁶ Ambọtori enia ti iṣe idin, ati ọmọ enia, ti iṣe kòkoro!