Matío 1 - Eka Eswhī

Elhu ŋgyā wɔ Yɛɛ́so Klísto

¹ Menzēŋ wɔ maŋgānjʉʼ Yɛɛ́so Klísto e emuɔ páʼa. Yɛɛ́so Klísto a lɛ á méŋ Efɔ Ndavít. Efɔ Ndavít á tó ánɛ nzwɛt Ablaham.

² Ablaham a le zhí á Izak, Izak á kó nzhí á Yakɔ́p, Yakɔ́p á kó nzhí á Yúda pɔ́ a epɔ̄ memía pí.

³ Yúda á kó nzhí á Falɛs pɔ́ Zela ánɛ Tamaa, Falɛs á kó nzhí á Ɛslɔm, Ɛslɔm á kó nzhí á Alam.

⁴ Alam á kó nzhí á Aminadab, Aminadab á kó nzhí á Nashɔŋ, Nashɔŋ á kó nzhí á Salmɔŋ.

⁵ Salmɔŋ á kó nzhí á Boz ánɛ Lahab, Booz á kó nzhí á Jobɛd ánɛ Lwíit, Jobɛd á kó nzhí á Jese.

⁶ Jese á kó nzhí á Efɔ Ndavít, Efɔ Ndavít á kó nzhí á Salomɔŋ ánɛ nzwí Uli.

⁷ Salomɔŋ á kó nzhí á Loboam, Loboam á kó nzhí á Abia, Abia á kó nzhí á Aza.

⁸ Aza á kó nzhí á Jozafat, Jozafat á kó nzhí á Jolam, Jolam á kó nzhí á Ozias.

⁹ Ozias á kó nzhí á Joatam, Joatam á kó nzhí á Akaz, Akaz á kó nzhí á Ezekias.

¹⁰ Ezekias á kó nzhí á Manase, Manase á kó nzhí á Amɔŋ, Amɔŋ á kó nzhí á Jozias.

¹¹ Jozias á kó nzhí á Jekonias pɔ́ a epɔ̄ memía pí. Afʉʼ mɛ́t, epuɔ Babilɔn é gɔte epuɔ Islaɛl, ńdɔk ŋgʉ̄ɔ mé Babilɔn, pɔ́ cʉ́ʼ epuʼ ncu.

¹² Mɛ́ lɔk epuɔ Islaɛl ŋgʉ̄ɔ mé Babilɔn épúp, tɛ aziɛ́ anu á tɔ́k. Jekonias á zhí á Salatiɛl, Salatiɛl á kó nzhí á Zolobabɛl.

¹³ Zolobabɛl á kó nzhí á Abiwud, Abiwud á kó nzhí á Eliakim, Eliakim á zhí á Azɔ́ɔ.

¹⁴ Azɔ́ɔ á kó nzhí á Sadɔk, Sadɔk á kó nzhí á Akim, Akim á kó nzhí á Eliwud.

¹⁵ Eliwud á kó nzhí á Eleazaa, Eleazaa á kó nzhí á Matan, Matan á kó nzhí á Yakɔ́p.

¹⁶ Yakɔ́p á kó nzhí á Yosɛ́p ndō Malía. Malía mé le pīŋ nzhí á Yɛɛ́so, páʼ mɛ́ zéŋ ntɔ́ŋ á yí é lɛ, Nzaʼ‑Ŋkhʉ á ntɔ̄ŋ apuʼ lā.

¹⁷ Elhu wɔ Yɛɛ́so é lɔkɔ mbúu ŋgɔ́ɔ mejuŋɔ́ ntsɔp lekua mé legēm, á lefhō ánɛ Ablaham ŋ́gʉɔ ŋkó ánɛ Efɔ Ndavít. Ŋ́gɔ́ ntsɔp lekua mé legēm, á lefhō ánɛ Efɔ Ndavít, ŋ́gʉɔ ŋkó ánɛ afʉʼ zīi, mɛ́ le gɔtē á wɔ́p ndɔk ŋgʉ̄ɔ mé Babilɔn. Ŋ́gɔ́ ntsɔp lekua mé legēm, á lefhō ánɛ afʉʼ jʉɔ mɛ́t, ŋ́gʉɔ ŋkó ánɛ afʉʼ zīi, mɛ́ le zhí á Nzaʼ‑Ŋkhʉ.

Cɔʼ Ndém a á ega mbhʉ́ɛ á lezhī Yɛɛ́so á mbū Yosɛ́p

¹⁸ Menu mīi é le tɔ́kē, tɛ́ mɛ́ zhí á Yɛɛ́so Klísto e emuɔ páʼa. Malía mía Yɛɛ́so mɛ́t, a lɛ amaʼ‑ephʉ mmɔʼ ŋiŋ, lezēŋ tsí é gɔ́ lɛ Yosɛ́p. A le zɛ́t á ŋgyā pɔ́p, tɛ nzɛ́t té zhɛ́ á ŋiŋ mbaŋa, mɛ́ piŋ njʉ́ɔ á gɔ́ ŋgɔ Ndém. Mbɔ Azwakne Ndém mé ke ghʉ̄ʉ̄.

¹⁹ Ndō yi Yosɛ́p, éyi a lɛ si ŋgɔ́ á ŋiŋ ndeŋ ndeŋ, á jʉ́ɔ épúp, ḿbiŋ nnɔ̄ŋ te ŋkɔ̄ŋɔ á lemaʼ esē á athū Malía á ntentā á, ńcʉ́ʼɛ efāʼa áa lekɔ̄ŋne ndʉ̄ʼ á yí.

²⁰ A le fhʉtē épúp, ḿbiŋ nnɔ̄ŋ ndíi, cɔʼ Atsyapuɔ á shʉʼ á ntē njʉɔ‑athū, ńdé mé yí ŋ́gɛ: «Yosɛ́p, ndhu ŋgyā Efɔ Ndavít, Malía, amaʼ‑ephʉ jú, a á ŋgɔ Ndém páʼā, mbɔ Azwakne Ndém mé ke ghʉ̄ʉ̄. Ndɛ́ʼ o ezéŋ mbɔ́k, á letswī á yí nnéŋ á ŋgyā.

²¹ A a shʉʼ ezhí á mɔ́ mbaŋa, o etswhī lezēŋ tsí lɛ Yɛɛ́so. O etɔ́ŋ á yí épúp melaʼ mīi, yí mé shʉʼ efɛʼ ndɔ ánɛ athū alāʼ zí, melaʼ mefa mɔ́p. »

²² Emuɔ menu mɛ́t ntsem é le pīŋ ntɔ́k páʼā, tɛ́ á lɔk mbō páʼ, Ndém a le lɔ̄k nchu ntswi‑ŋke yi ndé ŋ́gɛ:

²³ «Ayi mɔ́ ŋgɔ a shʉʼ ezɛ́t té zhɛ́ á ŋiŋ mbaŋa, égɔ́ ŋgɔ Ndém, ézhí á mɔ́ mbaŋa, mɛ́ etswhī á yí lɛ, Emanuɛl lāa. » Lezēŋ cʉɔ mɛ́t e lɔkɔ ŋ́gɛ, Ndém a á nnɔ pímpɛ.

²⁴ Njʉɔ‑athū mɛ́t é ge emii, Yosɛ́p á ziɛ, ŋ́ghʉ̄ páʼ cɔʼ Atsyapuɔ a á lé épúp. Ńtswí á nzwí yi, ńnéŋ á ŋgyā.

²⁵ Táʼ, pɔ́ yí é láʼ té á ndo ekó pote, tɛ á láʼ nzhí á mɔ́ mɛ́t. Yosɛ́p á tswhi lezēŋ tsí lɛ Yɛɛ́so.