Yelemiya 45 - Chiyawo Bible

Cilanga ca Mlungu kwa Baluki

¹ Aga gali maloŵe giŵalembesye m'buku, jwakulocesya* Yelemiya kwa Baluki mwanace jwa Neliya, caka ca mcece ca ucimwene wa Yehoiyakimu mwanace jwa Yosiya mwenye jwa ku Yuda:

² AMBUJE* Mlungu jwa Aisalaeli akuŵeceta kuti, “Baluki,

³ m'mwejo mkuŵeceta kuti, ‘Likungu kwa une, pakuti AMBUJE ajonjecesye canasa pa yisawusyo yangu yosope. Mbesile nako kuwuwula kwangu, mwakuti kupumula ngangukusimana kose!’

⁴ “Nambo une AMBUJE mbecete maloŵega kwa m'mwejo Baluki, cele cinataŵile ni kucigwisya. Cinapandile ni kucicuŵa. Amu ni mutinjitendela ni cilambo cosope capasi.

⁵ Ana mkulisosela yekulungwa? Iyayi, mkalisosela yamti myiyi. Tinjiyikasya yakusakala pa ŵandu wosope. Nambo m'mwejo tinjimsunjila umi wenu kulikose kutimcijawula, akuti myoyo AMBUJE.”