Numeli 7 - Chiyawo Bible

Mbopesi sya acimlongola

¹ Lisiku liŵamalisisye Mose* kutaŵa citenti cakusimanilana ni AMBUJE* ŵajimisile mawuta ni kujiŵika pajika pamo ni yida yakwe yosope.

² Kaneko ayimwene ŵa maŵele ŵiŵaliji ŵakulongolela ngosyo sya ja Aisalaeli, ŵakulolela pakwaŵalanga ŵandu,

³ ŵayice nayo yakupeleka yawo ya mbopesi kwa AMBUJE: mageleta msano ni limo ni ng'ombe syecele 12, ligeleta limo lya ŵakulongolela ŵaŵili ni ng'ombe jecele jimo ja jwakulongolela jwalijose. Panyuma pakuyipeleka yeleyo,

⁴ AMBUJE ŵatite kwa Mose,

⁵ “Mpocele jele mitukaji kuti jiŵe jakupanganyicisya masengo gatigatendekwe ga citenti, ajipelece mitukajo kwa Alefi malinga ni masengo gitagatende.”

⁶ Myoyo Mose ŵapelece yigeletayo ni ng'ombe syecelesyo kwa Alefi.

⁷ Jwalakwe ŵapelece yigeleta yiŵili ni ng'ombe syecele mcece ku liŵasa lya Geleshoni,

⁸ ni yigeleta mcece ni ng'ombe syecele msano ni sitatu ku liŵasa lya Melali. Masengo gawo gosope gene galiji gakuti agatendeje pakulongoleledwa ni Itamala mwanace jwa Aloni.*

⁹ Nambo Mose nginapeleka kose yigeleta kapena ng'ombe syecele ku liŵasa lya Kohati, ligongo yindu yakusagulidwa yiŵayisamalilaga yaliji yakuti ayinyakuleje pa makoyo gawo.

¹⁰ Acakulungwa ŵakulongolelawo nombe nawo ŵayice nasyo mbopesi syawo kukutenda msyungu wakukumbucila kugaŵika pajika malo gakupelecela mbopesi. Ndaŵi jiŵaliji ali cile kuti apelece mituka jawo pa malo gakupelecela mbopesipo,

¹¹ AMBUJE ŵatite kwa Mose, “Mwasalile jemanjajo kuti, kwa ndaŵi jakwanila masiku 12 ŵakulongolelawo apeleceje mituka jawo lisiku lililyose jakusagulika pa malo gakupelecela mbopesi.”

^12-83 Jemanjajo ŵapelece mbopesi syawo camti myi: Lisiku Lukosyo Mwenye Lisiku lyandanda Yuda Nashoni mwanace jwa Aminadabu Lisiku lyaŵili Isakala Netanele mwanace jwa Suwala Lisiku lyatatu Sebuloni Eliyabu mwanace jwa Heloni Lisiku lya mcece Lubeni Elisuli mwanace jwa Sheduwele Lisiku lya msano Simiyoni Shelumiyele mwanace jwa Sulishadayi Lisiku lya msano ni limo Gadi Eliyasafu mwanace jwa Deuweli Lisiku lya msano ni gaŵili Efelemu Elishama mwanace jwa Amihudi Lisiku lya msano ni gatatu Manase Gamaliele mwanace jwa Pedasuli Lisiku lya msano ni mcece Benjamini Abidani Lisiku lya likumi Dani Ahiyesa mwanace jwa Amishadayi mwanace jwa Gidiyoni Lisiku lya 11 Asha Pagiyele mwanace jwa Okilani Lisiku lya 12 Nafutali Ahila mwanace jwa Enani Mbopesi siŵajigele jwalijose syaliji syakulandana: mpika umo wa silifa* usito wakwe wakwanila kilogalamu jimo ni hafu, libeseni limo lya silifa usito wakwe wakwanila magalamu 800, pa mlingo wakwiticika, yosope yiŵiliyo yegumbale ni utandi wakuwanganya ni mawuta yakupelecela mbopesi ja mbeju sya songolo, mbale jimo ja golidi usito wakwe wakwanila magalamu 110, muli mwegumbale ni ubani* ng'ombe jimo jamwana, ngondolo jimo, ni mwanace jumo jwangondolo jwa caka cimo, yakupelecela mbopesi syakutinisya, mbusi jimo jambopesi jakupesya ulemwa* ni ng'ombe siŵili, ngondolo msano, mbusi msano, ni ŵanace ŵangondolo msano ŵa caka cimo wakupelecela mbopesi ja mkamulano.*

Lisiku Lukosyo Mwenye

^84-88 Yakuŵalanjila yambopesi yosope yene pamo yiŵayice nayo ŵakulongolela 12 ŵala yaliji ayi: — mipika ja silifa 12 ni mabeseni ga silifa 12 usito wakwe yosopeyo pamo yakwanile makilogalamu 27 ni hafu — mbale sya golidi 12, syosope syene usito wakwe syakwanila kilogalamu jimo ni hafu, syegumbale ni ubani — ng'ombe 12, ngondolo 12, ni ŵanace ŵangondolo ŵa caka cimo 12, pamo ni mbopesi sya mbeju sya songolo syakulongana nasyo syakupeleka mbopesi syakutinisya — mbusi 12 syakupeleka mbopesi syakupesya ulemwa — ng'ombe 24, ngondolo 60, mbusi 60, ŵanace ŵangondolo ŵa caka cimo 60, syakupeleka mbopesi sya mkamulano

⁸⁹ Piŵajawile Mose mkati mwa tenti kuti akaŵecete ni AMBUJE, ŵapikene AMBUJE ali mkuŵeceta kwa jwalakwe kutyocela penani pa cakuwunicila ca Libokosi lya Cilanga,* pasikati pa akelubi ŵaŵili.