Numeli 34 - Chiyawo Bible

Malile ga cilambo

¹ AMBUJE* ŵamsalile Mose* maloŵe aga

² kuti agatende Aisalaeli: “Patimcijinjila cilambo ca Kenani citinjimpaco, malile ga dela jenu tigaciŵa camti myi:

³ Malile ga kum'mwela tigacityocela ku cipululu ca Sini kupita mumbali mwa Edomu. Tigacitandila kungopoko lyuŵa kumalile ca kum'mwela kwa Nyasa ja Njete.

⁴ Kaneko tigacijawula kum'mwela ni kukwela Mpata wa Akalabimu ni kupitilisya kombocela ku Sini mpaka kuja kwika ku Kadeshi Baneya. Kaneko tigacijawula ku Hasala Adala mpaka ku Asimoni kumpoto ca kungapilo lyuŵa.

⁵ Kweleko tigacijawula ku ciŵata ku malile ga Iguputo nipo tigacilecela ku Nyasa ja Mediteleniyani.

⁶ “Malile ga kungapilo lyuŵa tigaciŵa Nyasajo.

⁷ “Malile ga kumpoto tigacikuya msela wakutyocela ku Nyasa ja Mediteleniyani kwawula Kwitumbi lya Holi

⁸ nipo kutyocela kweleko tigacijawula ku Mpata wa Hamati. Kweleko tigacipelenganya mpaka ku Sedadi

⁹ ni ku Sifuloni kuja kumalila ku Hasala Enani.

¹⁰ “Malile ga kungopoko lyuŵa tigacilondola msela wakutyocela ku Hasala Enani kwawula ku Shefamu.

¹¹ Kaneko tigacijawula kum'mwela ku Halibele, kungopoko lyuŵa kwa Aini, ni kupitilisya kwawula ku matumbi ga kungopoko lyuŵa kwa mungulugulu Nyasa ja Galileya.

¹² Kaneko tigacijawula ni Lusulo lwa Yolodani kum'mwela mpaka ku Nyasa ja Njete. “Gelega ni tigaciŵa malile mcece ga cilambo cenu.”

¹³ Myoyo Mose ŵasalile Aisalaeli kuti, “Celeci ni cilambo citacipocela pakutenda yisango, cele cilamboci AMBUJE acipelece kwa mitundu msano ni mcece ni litika.

¹⁴ Ngosyo sya Lubeni ni Gadi ni kungopoko lyuŵa kwa Manase syapocele kala cilambo cawo, ŵacigaŵile mpela mwa maŵasa gawo.

¹⁵ Kweleku ni kungopoko lyuŵa kwa mbali ja Lusulo lwa Yolodani kulolegana ni Yeliko.”

Ŵakulongolela akugaŵanya cilambo

¹⁶ AMBUJE ŵamsalile Mose kuti,

¹⁷ “Eliyesa jwakutaga mbopesi ni Yoswa mwanace jwa Nuni ni ŵitacigaŵanya cilamboco kwa Aisalaeli kuti ciŵe cawo.

¹⁸ Mjigale soni jwakulongolela jumo jwa mtundu uliwose kuti ŵakamucisye kucigaŵanya.”

^19-28 Aga ni mena ga ŵanduwo ŵiŵasagwile AMBUJE: Lukosyo Mwenye Yuda Kalebu mwanace jwa Yefune Simiyoni Shelumiyele mwanace jwa Amihudi Benjamini Elidadi mwanace jwa Kisiloni Dani Buki mwanace jwa Yogili Manase Haniele mwanace jwa Efodi Efelemu Kemuele mwanace jwa Shifitani Sebuloni Elisafani mwanace jwa Palinaki Isakala Palitiyele mwanace jwa Asani Asha Ahihudi mwanace jwa Shelomi Nafutali Pedaheli mwanace jwa Amihudi

Lukosyo Mwenye

²⁹ Gelega ni mena ga ŵandu ŵiŵatumile AMBUJE kuti ŵakamusye Eliyesa ni Yoswa kwagaŵanya Aisalaeli cilambo ca Kenani.