Numeli 26 - Chiyawo Bible

Kuŵalanga kwaŵili

¹ Piŵamasile mliliwo, AMBUJE* ŵatite kwa Mose* ni Eliyesa mwanace jwa Aloni*

² “Tendani ciŵalanjilo ca maŵasa ga mpingo wosope wa Aisalaeli, ca acalume wosope wakwanile yaka 20 kapena kupunda ŵali ŵakuŵajilwa kwawula ku ngondo.”

^3-4 Mose ni Eliyesa ŵapikanile, nipo ŵaŵilasile acalume wosope ŵa yele yakayo. Ŵasongene m'malambo ga cilambo ca Mowabu komboka Lusulo lwa Yolodani kutyocela ku msinda wa Yeliko. Ŵeleŵa ŵaliji Aisalaeli ŵiŵatyocele ku Iguputo.

⁵ Mtundu ŵa Lubeni (Lubeni ŵaliji mwanace jwandanda jwa Yakobo):* maŵele ga Hanoki, Palu,

⁶ Hesiloni, ni Kalimi.

⁷ Acalume ŵa gele maŵelega ŵakwanile 43,730.

⁸ Yisukulu ya Palu yaliji Eliyabu

⁹ pamo ni ŵanace ŵakwe Nemuyele, Datani, ni Abilamu. (Ŵeleŵa ni Datani nipo Abilamu ŵiŵasagwilwe ni mpingo. Ŵiŵakanganile najo Mose ni Aloni nipo ŵalumbikene ni ŵakumkuya Kola piŵajimucile AMBUJE.

¹⁰ Litaka lyawugwice ni kwamila jemanjajo, nipo ŵawile pamo ni Kola yalumo ni ŵakumkuya ŵakwe piŵajocile moto ŵandu ŵakwana 250. Jemanjajo ŵasandwice cakwakalamucisya ŵandu.

¹¹ Nambo ŵanace ŵa Kola nganawa kose).

¹² Mtundu wa Simiyoni: maŵele ga Nemuyele, Yamini, Yakini,

¹³ Sela, ni Shaulo.

¹⁴ Gele maŵelega ŵandu ŵakwe ŵakwanile 22,200.

¹⁵ Mtundu wa Gadi: maŵele ga Sefoni, Hagi, Shuni,

¹⁶ Osini, Eli,

¹⁷ Alodi, ni Aleli.

¹⁸ Gele maŵelega ŵandu ŵakwe ŵakwanile 40,500.

^19-21 Mtundu wa Yuda: maŵele ga Sela, Pelesi, Hesiloni, ni Hamuli. (Ŵaŵili ŵa ŵanace ŵa Yuda, Ele ni Onani, ŵawile mcilambo Kenani).

²² Gele maŵelega ŵandu ŵakwe ŵakwanile 76,500.

²³ Mtundu wa Isakala: maŵele gakwe galiji ga Tola, Puwa,

²⁴ Yashubu, ni Shimuloni.

²⁵ Aga maŵelega ŵandu ŵakwe ŵakwanile 64,300.

²⁶ Mtundu wa Sebuloni: maŵele ga Seledi, Eloni, ni Yaleli.

²⁷ Aga maŵelega ŵandu ŵakwanile 60,500.

²⁸ Mitundu ja Yosefe, ŵiŵaliji baba ŵawo ŵanace ŵaŵili, Manase ni Efelemu.

²⁹ Mtundu wa Manase: Makili mwanace jwa Manase ŵaliji baba ŵawo Giliyadi, nipo maŵele gakuyicisyaga ŵakuyaga nangolo jwakwe mpaka kwika pa Giliyadi.

³⁰ Aga galiji maŵele ga Iyeseli, Heleki,

³¹ Asilieli, Shekemu,

³² Shemida, ni Hefele.

³³ Selofehadi mwanace jwa Hefele nganakola ŵanace ŵacalume, nambo ŵacakongwepe basi, nipo mena gawo galiji Mala, Nowa, Hogila, Milika ni Tilisa.

³⁴ Aga maŵele ga ŵandu ŵakwe ŵakwanile 52,700.

³⁵ Mtundu wa Efelemu: maŵasa gakwe galiji ga Shutela, Beka, ni Tahani.

³⁶ Liŵele lya Elani ŵalondolaga nangolo jwakwe mpaka pa Shutela.

³⁷ Aga maŵelega ŵandu ŵakwe ŵakwanile 32,500. Gelega ni maŵele ga yisukulu ya Yosefe.

³⁸ Mtundu wa Benjamini: maŵele gakwe galiji ga Bela, Ashibele, Ahilamu,

³⁹ Shefufamu, ni Hufamu.

⁴⁰ Maŵele ga Adi ni Namani ŵalondolaga nangolo jwawo mpaka pa Bela.

⁴¹ Aga maŵele ga ŵandu ŵakwe ŵakwanile 45,600.

⁴² Mtundu wa Dani: Liŵele lya Shuhamu,

⁴³ ŵandu ŵakwe ŵakwanile 64,400.

⁴⁴ Mtundu wa Asha: gelega galiji maŵele ga Imuna, Ishifi, ni Beliya.

⁴⁵ Maŵele ga Hebele lilyaliji likolo lya Ahebeli ni Malikiele ŵalondolaga nangolo jwawo mpaka pa Beliya.

⁴⁶ Asha ŵakwete mwanace jwamkongwe lina lyakwe Sela.

⁴⁷ Gele maŵelega ŵandu ŵakwe ŵakwanile 53,400.

⁴⁸ Mtundu wa Nafutali: maŵele gakwe galiji ga Yasili, Guni,

⁴⁹ Yesa, ni Shilemu.

⁵⁰ Gele maŵelega ŵandu ŵakwe ŵakwanile 45,400.

⁵¹ Ŵandu wosope ŵacalume ŵa Aisalaeli ŵakwanile 601,730.

⁵² AMBUJE ŵatite kwa Mose,

⁵³ “Mwagaŵile cilambo ŵele ŵanduŵa mpela mwawinji wawo.

^54-56 Mcigaŵe cilamboco pakutenda yisango, nipo mpelece mbali jajikulungwa kwa mtundu wawukulungwa nipo mbali jajinondi kwa mtundu wawunondi.”

⁵⁷ Mtundu wa Lefi wakwete maŵele ga Geleshoni, Kohati, ni Melali.

⁵⁸ Yine mwa yisukulu yawo yaliji ya maŵele genandi ga Alibini, Ahebuloni, Mali, Mushi, ni Kola. Kohati ŵaliji baba ŵawo ŵa Amulamu,

⁵⁹ ŵiŵalombele mwanace jwamkongwe jwa Lefi jwakolanjidwa Yokibedi, juŵapagwile ku Iguputo. Jwalakwe ŵaŵelecele Amulamu ŵanace ŵacalume ŵaŵili, Aloni ni Mose, ni mwanace jwamkongwe lina lyakwe Miliyamu.

⁶⁰ Aloni ŵakwete ŵanace ŵacalume mcece, Nadabu, Abihu, Eliyesa, ni Itamala.

⁶¹ Nadabu ni Abihu ŵawile ndaŵi jiŵapelece mbopesi ja moto wangajiticikwa kwa AMBUJE.

⁶² Alefi ŵacalume ŵiŵaliji ŵa mwesi umo kapena kupunda ŵakwanile pamo 23,000. Jemanjajo ŵalekangenye ni Aisalaeli ŵane wosope ligongo nganiŵapa cilambo cilicose mu Kenani.

⁶³ Maŵele gosopega ŵagalembile pamo Mose ni Eliyesa piŵaŵalangaga ni kwalemba Aisalaeli wosope m'malambo ga Mowabu ali ajombwece Lusulo lwa Yolodani pakutyocela ku msinda wa Yeliko.

⁶⁴ Pangali atamose jwamlume jumo juŵasigele mwa ŵandu ŵiŵalembile Mose ni Aloni pakuŵalanga kwandanda kuŵakutesile mcipululu ca Sinayi.

⁶⁵ AMBUJE ŵaliji ali aŵecete kala kuti, wosope ŵene ŵa jemanjajo taciwila mcipululu, kwaleka Kalebu mwanace jwa Yefune ni Yoswa mwanace jwa Nuni basi.