Numeli 2 - Chiyawo Bible

Ulongosole wa malo ga ngosyo ku masakasa

¹ AMBUJE* ŵasalile Mose* ni Aloni* ayi yinduyi.

² “Pakutaŵa Aisalaeli masakasa, jwamlume jwalijose tacitaŵa pajili mbendela ja likuga lyakwe ni mbendela ja liŵasa lyakwe. Masakasago tacigataŵa kusyungulila citenti cakusimanilanaco.”

^3-9 Kumbali ja kungopoko lyuŵa, aŵe ŵa mbendela ja likuga lya lukosyo lwa Yuda, nipo taciŵa m'masakasa gawo m'makuga, pasi pa acimlongola ŵawo mpela mwakuyicisyamu: Lukosyo Mwenye Ciŵalanjilo Yuda Nashoni mwanace jwa Aminadabu 74,600 Isakala Netanele mwanace jwa Suwala 54,400 Sebuloni Eliyabu mwanace jwa Heloni 57,400 Ciŵalanjilo cosope caliji: 186,400 Likuga lya Yuda tiliciŵa lyandanda pakwenda.

Lukosyo Mwenye Ciŵalanjilo

^10-16 Mbali ja kum'mwela, tikuŵeje mbendela ja likuga lya Lubeni, taciŵa m'masakasa m'makuga pasi pa acimlongola ŵawo mwakuyicisyamu: Lukosyo Mwenye Ciŵalanjilo Lubeni Elisuli mwanace jwa Sheduwele 46,500 Simiyoni Shelumiyele mwanace jwa Sulishadayi 59,300 Gadi Eliyasafu mwanace jwa Deuweli 45,650 Ciŵalanjilo cosope caliji: 151,450 Likuga lyeleli tiliciŵa lyaŵili pakwenda.

Lukosyo Mwenye Ciŵalanjilo

¹⁷ Kaneko, pasikati pa makuga gaŵili ni gaŵili gakumalisya Alefi tacijendaga ali anyakwile citenti. Likuga lililyose tilicijendaga mu mndandanda uwowo mpela mwataŵile masakasa, lililyose pa malo ga mbendela jakwe.

^18-24 Kungapilo lyuŵa, ŵajikwalongolela mbendela ja likuga lya Efelemu tacitaŵa m'masakasa m'makuga mwawo, pakujikuya mbendela jawo pasi pa acimlongola ŵawo mpela mwakuyicisyamu: Lukosyo Mwenye Ciŵalanjilo Efelemu Elishama mwanace jwa Amihudi 40,500 Manase Gamaliele mwanace jwa Pedasuli 32,200 Benjamini, Abidani mwanace jwa Gidiyoni 35,400 Ciŵalanjilo cosope caliji: 108,100 Likuga lya Efelemu tiliciŵa lyatatu pakwenda.

Lukosyo Mwenye Ciŵalanjilo

^25-31 Kumpoto, ŵitijicalongolela mbendela ja likuga lya Dani tacitaŵa masakasa m'makuga mwawo, pakujikuya mbendela jawo mpela mwakuyicisyamu: Lukosyo Mwenye Ciŵalanjilo Dani Ahiyesa mwanace jwa Amishadayi 62,700 Asha Pagiyele mwanace jwa Okilani 41,500 Nafutali Ahila mwanace jwa Enani 53,400 Ciŵalanjilo cosope caliji: 157,600 Likuga lya Dani tiliciŵa lyakumalisya pakwenda.

Mwenye Ciŵalanjilo

³² Ciŵalanjilo cosope ca Aisalaeli ŵiŵalembesye m'makuga mwawo, likuga ni likuga, caliji 603,550.

³³ Mpela muŵamlamulile AMBUJE Mose, Alefi nganalembesya piŵalembesyaga Aisalaeli ŵane wosope.

³⁴ Myoyo ŵandu ŵa Aisalaeli ŵatesile yosope yene yiŵalamwile AMBUJE kwa Mose. Ŵataŵile masakasa, jwalijose pijaliji mbendela jakwe, nipo ŵajendaga, jwalijose ni liŵasa lyakwe.