Nehemiya 7 - Chiyawo Bible

¹ Pilyamasile kutaŵidwa lipupa lya msinda lila, naŵisile matanga, acilonda ŵa ku Nyumba ja AMBUJE ŵandu ŵakwimba nyimbo, nipo Alefi nombe nawo ŵasagulidwe.

² Namsagwile mlongo mjangu Hanani pamo ni Hananiya kuti aŵe ŵakulolela lipupa lya asilikali. Hananiya ŵaliji mundu jwakulupicika ni jwakumjogopa Mlungu kwapunda ŵandu ŵajinji.

³ Nasalile jemanjajo kuti yipata ya ku Yelusalemu yiwugulidweje lyuŵa lili likopwece, nipo ayiwugaleje yipatayo acilonda mkanaŵeluce ligulo. Nasalile soni kuti asagule acilonda sikati ja ŵandu ŵakutama mu Yelusalemu, kuti jwalijose atameje pa malo gakwe, soni ŵane atameje pa malo gakulolegana ni nyumba syawo.

Mena ga ŵandu ŵaŵawusile ku ukapolo

⁴ Msinda wa Yelusalemu waliji wekulungwa, nambo ŵandu ŵakutama mu msindamo ŵaliji ŵapanandi, soni mwaliji mwangali nyumba syejinji.

⁵ Myoyo Mlungu ŵambele une nganisyo syakuti nasonganye acimlongola, acakulungwakulungwa ni ŵandu kuti alembedwe mena pakukuya maŵasa gawo. Nipo najisimene buku ja mena ga ŵandu ŵiŵawusile pandanda pene kutyocela ku ukapolo. Ayi ni yele yiŵalembile m'bukumo:

⁶ Aga ni mena ga ŵandu ŵa ku upande wa ku Yuda ŵiŵawusile kutyocela ku ukapolo, kuŵapite pakujigalidwa ni Nebukadinesa, mwenye jwa ku Babiloniya. Ŵanduwo ŵawujilile ku Yelusalemu ni ku Yuda, jwalijose ku msinda wa kumangwakwe.

⁷ Jemanjaji ŵawusile pamo ni acimlongola ŵakuyicisyaŵa: Selubabele, Yeswa, Nehemiya, Asaliya, Lamiya, Nahamani, Modekayi, Bilisani, Misipali, Bigifayi, Nehumu, ni Baana.

^8-25 Aci ni ciŵalanjilo ca maŵasa gigawusile kutyocela ku ukapolo: Liŵasa lya Paloshi, ŵandu 2,172 Liŵasa lya Shefatiya, ŵandu 372 Liŵasa lya Ala, ŵandu 652 Liŵasa lya Pahati Mowabu (yisukulu ya Yeswa), ŵandu 2,818 Liŵasa lya Elamu, ŵandu 1,254 Liŵasa lya Satu, ŵandu 845 Liŵasa lya Sakayi, ŵandu 760 Liŵasa lya Binuyi, ŵandu 648 Liŵasa lya Bebayi, ŵandu 628 Liŵasa lya Asigadi, ŵandu 2,322 Liŵasa lya Adonikamu, ŵandu 667 Liŵasa lya Bigifayi, ŵandu 2,067 Liŵasa lya Adini, ŵandu 655 Liŵasa lya Atele (ŵakolanjidwa soni kuti Hesekiya), ŵandu 98 Liŵasa lya Hashumu, ŵandu 328 Liŵasa lya Besayi, ŵandu 324 Liŵasa lya Halifu, ŵandu 112 Liŵasa lya Gibiyoni, ŵandu 95

^26-38 Ŵandu ŵele acinangolo ŵawo ŵiŵatamaga ku misinda jakuyicisyaji nombe nawo ŵawusile nipo ciŵalanjilo cawo caliji aci: Betelehemu ni Netofa, ŵandu 188 Anatoti, ŵandu 128 Beti Asimafeti, ŵandu 42 Kiliyati Yelimu, Kefila ni Beeloti, ŵandu 743 Lama ni Geba, ŵandu 621 Mikimashi, ŵandu 122 Beteli ni Ai, ŵandu 123 Nebo jwine, ŵandu 52 Elamu jwine, ŵandu 1,254 Halimu, ŵandu 320 Yeliko, ŵandu 345 Lodi, Hadidi, ni Ono, ŵandu 721 Sena, ŵandu 3,930

^39-42 Aga ni mena ga maŵasa ga ŵakutaga mbopesi ŵiŵawusile kutyocela ku ukapolo: Yedaya (cisukulu ca Yeswa), ŵandu 973 Imeli, ŵandu 1,052 Pasha, ŵandu 1,247 Halimu, ŵandu 1,017

^43-45 Aga ni mena ga maŵasa ga Alefi ŵiŵawusile kutyocela ku ukapolo: Yeswa ni Kadimiyele (yisukulu ya Hodefa), ŵandu 74 Ŵakwimba nyimbo m'Nyumba ja AMBUJE (yisukulu ya Asafu), ŵandu 148 Acilonda ŵa ku Nyumba ja AMBUJE (yisukulu ya Shalumu, Atele, Talimoni, Akubu, Hatita, ni Shobayi) ŵandu 138

^46-56 Maŵasa ga ŵandu ŵakamula masengo ku Nyumba ja AMBUJE gigawusile kutyocela ku ukapolo ni aga: Maŵasa ga Siha, Hasufa, Tabayoti, Kelosi, Siya, Padoni, Lebana, Hagaba, Shalimayi, Hanani, Gidele, Gahala, Leaya, Lesini, Nekoda, Gasamu, Usa, Paseya, Besayi, Meunimu, Nefusesimu, Bakibuki, Hakufa, Halihuli, Basiliti, Mehida, Halisha, Balikosi, Sisela, Tema, Nesiya, ni Hatifa.

^57-59 Aga ni maŵasa ga ŵamasengo ŵa Solomoni ŵiŵawusile kutyocela ku ukapolo: Liŵasa lya Sotayi, Hasofeleti, Pelida, Yaala, Dalikoni, Gidele, Shefatiya, Hatili, Pokeleti Hasebaimu, ni Amoni.

⁶⁰ Ciŵalanjilo cosope ca ŵandu ŵakamula masengo ku Nyumba ja AMBUJE pamo ni ŵamasengo ŵa Solomoni ŵiŵawusile ku ukapolo caliji 392.

^61-62 Ŵapali ŵandu 642 ŵakutyocela mwiŵasa lya Delaya, Tobiya, ni Nekoda ŵiŵawusile kutyocela ku misinda ja Teli Mela, Teli Halisha, Kelubi, Adoni, ni Imeli, atamose kuti jemanjaji nganapakombola kusala kusyesyene naga acinangolo ŵawo kapena mitundu jawo jaliji ja Aisalaeli ŵasyesyene kapena iyayi.

^63-64 Maŵasa ga Habaiya, Hakosi, ni Balisilayi nganigapakombola kusala kuti jemanjajo ŵaliji ŵakutaga mbopesi. Nangolo jwa liŵasa lya Balisilayi ŵalombele mwanace jwamkongwe jwa Balisilayi ŵa ku Giliyadi nipo ŵajigele lina lya kwiŵasa kwa ŵamkwakwe. Nambo jemanjajo ŵasosilesosile mena mu buku ja kawundula jwa maŵasa gawo, nambo mena gawogo nganagasimanamo, myoyo nganiŵakunda soni jemanjajo kutumicila mpela ŵakutaga mbopesi.

⁶⁵ Bwanamkubwa jwa Ciyuda ŵasalile jemanjajo kuti akalyaga nawo cakulya cicapelecedwe kwa Mlungu, mpaka ali asimanikwe jwakutaga mbopesi jwakumanyilila kulondola cisango pakukamulisya masengo maganga gaŵili ga Ulimu ni Tumimu.

^66-69 Ciŵalanjilo cosope ca ŵandu ŵiŵawusile kutyocela ku ukapolo caliji 42,360. Ŵamasengo ŵawo ŵacalume ni ŵacakongwe ŵapali 7,337, acalume ni acakongwe ŵakwimba nyimbo ŵapali 245, mahaci gapali 736, acibulu ŵapali 245, ngamila* syapali 435 ni mbunda syapali 6,720.

^70-72 Ŵandu ŵajinji ŵapelece mituka jakuti jikamucisye kulipilila yida yakutaŵila soni Nyumba ja AMBUJE: Bwanamkubwa ŵapelece golidi jwakusitopa makilogalamu msano ni gatatu ni mbale 50, ŵapelece mikanjo ja ŵakutaga mbopesi jakwana 530. Acimlongola ŵa maŵasa ŵapelece mituka ja golidi jwakusitopa makilogalamu 168, ŵapelece silifa jwakusitopa makilogalamu 1,250. Ŵandu ŵane wosope ŵapelece mituka golidi jwakusitopa makilogalamu 168, ŵapelece silifa jwakusitopa makilogalamu 140 ni mikanjo ja ŵakutaga mbopesi jakwana 67.

⁷³ Pa mwesi wa msano ni jiŵili, ŵakutaga mbopesi, Alefi, acilonda ŵa ku Nyumba ja AMBUJE, ŵakwimba nyimbo, ŵandu wamba, ŵakamula masengo m'Nyumba ja AMBUJE ni ŵandu wosope ŵa ku Isalaeli ŵatamaga m'misinda ja mwana ni jekulungwa ja ku Yuda.