Masalimo 95 - Chiyawo Bible

Nyimbo ja Malumbo

¹ Myice twajimbile AMBUJE,* kwende tululute ni cisangalalo kwa ŵelewo, lwala lwakutukulupusya.

² Kwende, tuyice pameso pa jwalakwe ni kumtogolela, kwende tululute kwa jwalakwe ni cisangalalo, tumjimbile nyimbo sya malumbo.

³ Pakuŵa AMBUJE ali AMBUJE ŵakulungwa; ali mwenye jwamkulungwa jwakujipunda milungu jine josope.

⁴ Malo gakusokoka ga cilambo capasi, gali m'makono mwawo; Matumbi gamalewu soni gali gawo.

⁵ Nyasa jili jawo, pakuŵa ŵajipanganyisye; pakuŵa makono gawo gacigumbile cilambo cacijumu.

⁶ Myice tulambe ni kwinamila pasi, kwende tutindiŵale pameso pawo AMBUJE ŵaŵatupangenye.

⁷ Pakuŵa ali AMBUJE ŵetu; ni uweji tuli ŵandu ŵa palulila pawo ni ngondolo sya kulila m'makono mwawo. Lelo, mkagapikanile maloŵe gakwe!

⁸ Mkajumusya mitimu jenu, mpela ku Meliba kula, mpela soni lyuŵa lila ku Masa mcipululu mula.

⁹ Piŵalinjile acinangolo ŵenu, atamose kuti ŵaliji ali agaweni masengo gangu.

¹⁰ Yaka makumi mcece nasakalice ni mpago welewo ni natite, “Ŵandu ŵelewo ŵangakulupicika, nganagamanya matala gangu.”

¹¹ Kwa lyele ligongolyo natumbile ni kulumbila* kuti, ngasajinjila ku malo gangu gakupumulila.