Masalimo 93 - Chiyawo Bible

Mlungu ali mwenye

¹ AMBUJE* ali mwenye. Aliwecice ucimbicimbi ni macili, ŵacitamice cilambo capasi, ngasicitenganyika kose.

² Citengu cawo ca ucimwene, ŵalakwe AMBUJE, ŵacitamice kutandilila pandanda, ŵalakwe ali ŵa yaka yosope.

³ Nyasa syasikulungwa sikokoma kwakogoya, ŵalakwe AMBUJE. Matumbela gakwe gakutenda cikokomo cacikulungwa.

⁴ AMBUJE ŵali kwinani, ali ŵamacili, kugapunda macili ga matumbela ga m'nyasa.

⁵ Malamusi gawo gali gangamala, Ŵalakwe AMBUJE, nyumba jawo jili jajiswela kwa yaka yosope.