Masalimo 82 - Chiyawo Bible

AMBUJE ali jwakulamula jwamkulungwa

Salimo ja Asafu.

¹ Mlungu ali pa malo pakwe kulongolela msongano wakwinani, akulamula pasikati pa milungu.

² Akuti, “Timciŵa mkulamula mwangalungamika ni kulosya kwanonyela mnope ŵangalumbana mpaka cakaci?

³ Mwacenjele ŵandu ŵangali macili ni ŵamasije; mwalamule cenene ŵakulaga ni ŵamkanakola kandu.

⁴ Mwapokasye ŵangali macili ni ŵamkanakola kandu. Mwakulupusye m'makono mwa ŵandu ŵangalumbana.”

⁵ Jemanjajo ngakumanyilila kandu soni nganakola lunda, akwamba kwenda mcipi; yilimbilimbi yosope ya cilambo capasi yitenganyice.

⁶ Nasasile kuti, “Jemanja mli milungu, wosopemwe mli ŵanace ŵa Mlungu Jwakwinani Mnope.

⁷ Nambo timciwa mpela ŵandu wosope, ni timcigwa mpela jwakulamula jwine jwalijose.”

⁸ Ajimuce, Ŵalakwe Mlungu, alamulile cilambo capasi, pakuŵa ngosyo syosope sya ŵandu sili syawo ŵalakwe.