Masalimo 70 - Chiyawo BibleLipopelo lyakuŵenda cikamucisyo ( Mas 40:13-17 ) Kwa jwakwimbisya nyimbo. Salimo ja Daudi ja cikumbukumbu. 1 Angulupusye, conde, ŵalakwe Mlungu! AMBUJE* ajanguye kungamucisya une. 2 Ŵandu ŵele ŵakusaka kumbulaga, ŵatesye soni ni kwasokonesya. Ŵele ŵakusaka kumbweteka awujile panyuma ni kuwa ŵangacimbicikwa. Ambikane une ni kungulupusya. 3 Wakamule woga ni syatende soni pakuŵa alepele, ŵandu ŵakunjamila une kuti, “Eya, Eya.” 4 Nambo wosope ŵakwasaka ŵalakwe, asengwe ni kusangalala mwa ŵalakwe. Ŵakucinonyela cikulupusyo cawo asale kuti, “Mlungu ali jwamkulungwa.” 5 Uneji ndili jwakulaga ni jwangali cingwete, nambo Mlungu akusangumbucila. Ŵalakwe ali Mkulupusyo jwangu, AMBUJE, Akakokoŵa kwisa kukungamucisya ŵalakwe AMBUJE ŵangu. |
Chiyawo Bible: Buku Jeswela © Bible Society of Malawi, 2014
Bible Society of Malawi