Masalimo 6 - Chiyawo Bible

Lipopelo lyakuŵenda cikamucisyo pa ndaŵi ja yisawusyo

Kwa jwakwimbisya nyimbo. Ajimbile yida yakwimbila ya ngonji, pangwe penani pakwe. Salimo ja Daudi.

¹ Ŵalakwe AMBUJE* akambila mtima ni kunjamuka, Akamba une cilango ali apile mtima.

² Andendele canasa, ŵalakwe AMBUJE, Pakuŵa une ndili jwampele. Ambe macili, ŵalakwe AMBUJE, pakuŵa ndili jwampele kusyene

³ Umi wangu wosope uli pa yisawusyo. Ana ŵalakwe, AMBUJE, tajembeceye mpaka cakaci kungamucisya?

⁴ Ayice, ŵalakwe AMBUJE kukungulupusya une, angulupusye une ligongo lya cinonyelo cawo.

⁵ Ŵandu ŵawe ngaŵa mkupakombola kwalumba ŵalakwe ku malembe; pangali jwampaka jwalumbe ŵalakwe kumalo ga ŵandu ŵawe.

⁶ Mbesile ni kuwuwula. Cindanda cangu cikusaŵa cacinyoŵe ni misosi jangu cilo cilicose. Msamilo wangu ukusaŵa wenyoŵe ligongo lya kulila kwangu.

⁷ Meso gangu gayimbile ligongo lyakwikwitika, galembwice ligongo lya amagongo wangu.

⁸ Mtyoce pameso pangu jemanja ŵandu ŵakutenda yangalumbana, AMBUJE akupikene kulila kwangu.

⁹ AMBUJE akupikene kuŵenda kwangu ni tajanje lipopelo lyangu.

¹⁰ Amagongo ŵangu wosope tacitenda soni ni kulaga kwakukulungwa, Tacitila wosope mwakusisimucisya.