Masalimo 57 - Chiyawo Bible

Lipopelo lyakuŵenda cikamucisyo

Kwa jwakwimbisya nyimbo. Pakukuya wimbe wa nyimbo jakuti: Mkajonanga. Salimo ja Daudi, pandaŵi jiŵatisile Saulo, ni kuja kukwinjila mu mbanga.

¹ Andendele canasa ŵalakwe Mlungu, andendele canasa, pakuŵa umi wangu ukutilila kwa ŵalakwe, ni tinjitilila ku mbwilili wa mapapiko gawo, mpakana mbungo jakonanga yindu jili jipite.

² Ngulila kwa Mlungu Jwakwinani Mnope, Mlungu ŵakusandendela yosope yaŵisile cilanga.*

³ Kutyocela kwinani Mlungu tacinjanga ni kungulupusya une, Ŵalakwe tacatesya soni ŵakundiŵatila une; Mlungu tacilosya cinonyelo cawo cangamala ni kulupicika kwawo.

⁴ Ngugona pasikati pa ŵandu ŵakogoya, ŵali mpela masimba. Meno gawo gali mpela mapanga ni mipamba, lulumi lwawo luli mpela upanga wakutema.

⁵ Ŵalakwe Mlungu atulosye ukulu ŵawo kwinaniko, lumbili lwawo luŵeje pacanya pa cilambo cosope capasi.

⁶ Ŵandejele lwawu mungusapita nambo une najineme mtwe ŵangu pasi, ŵasosile lisimbo mwitala mwangu, nambo ŵagwililemo acimsyene pewo mkati mwakwe.

⁷ Ŵalakwe Mlungu mtima wangu ukulupilile, kusyene ukulupilile mtima wangu. Tinjijimba nyimbo, nyimbo syakwe syakunonyelesya

⁸ Jimukani m'mwe umi wangu. Jimukani, m'mwe cida cakwimbila ca ngonji ni pangwe tinjijimuka lyuŵa mkanilikopoce.

⁹ Tinjatogolela, ŵalakwe AMBUJE,* pasikati pa mitundu ja ŵandu. Tinjijimba nyimbo syakwalumba pasikati pa mitundu ja ŵandu.

¹⁰ Cinonyelo cawo cangamala cili cacikulungwa, cakuyicila mpaka kwinani, kulupicika kwawo kukuyicila kwiwunde.

¹¹ Ŵalakwe Mlungu alosye ukulungwa wawo kwinani mnope! Lumbili lwawo luŵe pacanya pa cilambo cosope capasi.