Masalimo 47 - Chiyawo Bible

Ya jwakulamulila jwamkulungwa

Kwa jwakwimbisya nyimbo. Salimo ja ŵanace ŵa Kola.

¹ Kwatani m'myala ngosyo syosope sya ŵandu. Gumilani kwa Mlungu mcijimbaga nyimbo syacisangalalo.

² Pakuŵa AMBUJE* Ŵakwinani Mnope ali ŵakogoya. Ali mwenye jwamkulungwa pa cilambo cosope capasi.

³ Ŵatupele macili gakusipunda ngosyo sine; ŵatutesile uwe kuti tulamulileje mitundu jine ja ŵandu.

⁴ Ŵatusagulile uwe cilambo citukutamaci kuti ciŵe cetu. Ŵatupele uwe ŵandu ŵa Yakobo* cilambo camboneci pakuti akusatunonyela.

⁵ Mlungu akwesile kuja kwinani. Ŵandu akugumila mwa kondwa; ni kwimbaga malipenga, pa ndaŵi jele AMBUJE akukwela kuja kwinani.

⁶ Jimbani nyimbo syakumlumba Mlungu, mjimbe nyimbo syakumlumba mwenye jwetu!

⁷ Mlungu ali mwenye jwa cilambo cosope capasi; mumlumbe jwalakwejo pakumjimbila nyimbo.

⁸ Mlungu akulamulila mitundu ja ŵandu, Mlungu akusatama pa citengu cakwe caciswela.

⁹ Acimlongola ŵa ŵandu mitundu ja ŵandu akusongana pampepe ni ŵandu ŵa Mlungu jwakusamlambila Abulahamu.* Pakuŵa ucimwene wosope ŵa cilambo uli wa jwalakwejo; Ŵelewo ni ŵali ŵakulungwa mnope.