Masalimo 43 - Chiyawo Bible

Lipopelo lya mundu jwakutama ku cilambo ca cilendo

¹ Ŵalakwe Mlungu alosye kuti une ndili mundu jwangalemwa, anjinjilicisye pa magambo gangu kwa ŵandu ŵangakum'manyilila Mlungu; angulupusye kwa ŵandu ŵa unami ni ŵangali cilungamo.

² Pakuŵa ŵalakwe ali Mlungu jwakunjinjilicisya, ana ligongo cici anjasile? Ligongo cici ngupita mcilila malilo ligongo lya kusawusya amagongo ŵangu?

³ Conde, apelece lilanguka lyawo ni yakuwona yawo yilongolele une, yikambicisye kwitumbi lyawo lyeswela ni kwakusatama ŵalakwe.

⁴ Ni tinjijawula ku malo gakupelecela mbopesi gawo Mlungu, kwa Mlungu jwakumba cisangalalo cisyene, tinjijimba cida cangu cakwimbila ca ngonji kwalumba ŵalakwe, Mlungu jwangu.

⁵ Ana ligongo cici ngutumbila? Ana ligongo cici ngulaga? Mumkulupilile Mlungu, pakuŵa tinjalumba soni ŵalakwewo. Ŵalakwewo ali cikamucisyo cangu soni ali Mlungu jwangu.