Masalimo 26 - Chiyawo Bible

Lipopelo lya mundu jwambone

Salimo ja Daudi.

¹ Andamule pameso pa ŵakunjimba magambo, kuti nganindemwa, ŵalakwe AMBUJE,* pakuŵa ngusatenda yakulungamika ni kwakulupilila ŵalakwe mwangakayicila kose.

² Andolecesye une ni kulinga, ŵalakwe AMBUJE; awulole mtima wangu ni nganisyo syangu.

³ Cinonyelo cawo cikusalongolela; soni ngusaŵa jwakulupicika kwa ŵalakwe.

⁴ Ngangutama nawo pampepe ŵandu ŵa unami; kapena kulongana nawo ŵandu ŵa ulamba.

⁵ Ngusinaŵenga ŵandu ŵakutenda yangalumbana; soni jwangatama pampepe ni ŵandu ŵakusakala.

⁶ Ngusanaŵa myala mwangu kulosya kuti nganindemwa; ngusinatindiŵalila pa malo gakupelecela mbopesi gawo ŵalakwe AMBUJE.

⁷ Ngwimba nyimbo mwakwesya maloŵe, nyimbo jakutogolela; ni kwenesya ya masengo gawo gakusimonjesya.

⁸ Ngujinonyela Nyumba jakutama ŵalakwe AMBUJE, pa malo palukutama lumbili lwawo.

⁹ Akanjasa pamo ni ŵandu ŵakulemwa; soni akatyosya umi wangu pampepe ni ŵandu ŵakusaka kuwulaga acimjawo,

¹⁰ ŵandu ŵakutenda yakusakala ni makono gawo; ni ŵandu ŵele mkono wawo wamlyo ugumbele ni yindu yakupocela pacisyepela.

¹¹ Nambo une, ngwenda mwakulupicika, andendele canasa ni kungulupusya une.

¹² Ndili mundu jwakutamilicika pa malo pele pangali yakogoya; pa msongano tinjalumba AMBUJE.