Masalimo 138 - Chiyawo Bible

Lipopelo lyakutogolela

Salimo ja Daudi.

¹ Ngwatogolela ŵalakwe AMBUJE,* ni mtima wangu wosope. Ngwimba nyimbo syakwalumba ŵalakwe pameso pa milungu.

² Ngutindiŵala pasi kulosya ku nyumba jawo jajiswela. Ngwatogolela pa ligongo lya canasa cawo cangamala ni kulupicika kwawo. Pakuŵa alikwesisye lina lyawo, ni malamusi gawo kupundana ni cindu cine cilicose.

³ Pa lisiku linaŵilasile, ŵalakwe ŵanjanjile; akusalimbisya mtima ni macili gawo.

⁴ Ayimwene wosope ŵa pa cilambo capasi tacalumba, ŵalakwe AMBUJE, ligongo agapikene maloŵe ga pakamwa pawo,

⁵ ni tacajimbila nyimbo syakwalumba, ŵalakwe AMBUJE, pakuŵa lumbili lwawo luli lwalukulungwa.

⁶ Atamose AMBUJE ali ŵapenani mnope, akwasamalila ŵandu ŵakulitimalika, nambo ŵandu ŵakulikwesya akusiŵamanyilila ali kwakutalicila.

⁷ Atamose ngwenda pasikati pa yisawusyo, ŵalakwe akuwusunga umi ŵangu, akusatambasukula mkono wawo kwalekasya amagongo ŵangu ŵatumbile, mkono wawo wamlyo ukusangulupusya.

⁸ AMBUJE tacikwanilisya lisosa lyawo pa une kuti litendekwe. Canasa cawo ŵalakwe cili cangamala. Amalisye masengo gagatandite.