Masalimo 136 - Chiyawo Bible

Nyimbo jakutogolela

¹ Mwatogolele AMBUJE* pakuŵa ali ŵambone, pakuŵa cinonyelo cawo cili cangamala.

² Mwatogolele AMBUJE jwa milungu; pakuŵa cinonyelo cawo cili cangamala.

³ Mwatogolele AMBUJE ŵakwapunda acambuje wosope, pakuŵa cinonyelo cawo cili cangamala.

⁴ Jwalakwe akusatenda yakusimonjeka yayikulungwa; pakuŵa cinonyelo cawo cili cangamala.

⁵ Ŵapanganyisye ya kwinani mwa lunda lwakwe, pakuŵa cinonyelo cawo cili cangamala.

⁶ Ŵacitaŵile cilambo capasi pa nyasa jakusokoka, pakuŵa cinonyelo cawo cili cangamala.

⁷ Ŵapanganyisye yakumulicila yayikulungwa, pakuŵa cinonyelo cawo cili cangamala.

⁸ Lyuŵa kuti lilamulije musi, pakuŵa cinonyelo cawo cili cangamala.

⁹ Mwesi ni ndondwa kuti yilamulileje cilo, pakuŵa cinonyelo cawo cili cangamala.

¹⁰ Ŵawuleje ŵanace ŵandanda kupagwa ŵacalume ŵa ku Iguputo, pakuŵa cinonyelo cawo cili cangamala.

¹¹ Ni ŵakopwesye Aisilayeli pasikati pawo; pakuŵa cinonyelo cawo cili cangamala.

¹² Ni yala yawo ya macili, ni mkono wakutambasukuka, pakuŵa cinonyelo cawo cili cangamala.

¹³ Ŵajigaŵenye cilikati Nyasa Jecejewu,* pakuŵa cinonyelo cawo cili cangamala.

¹⁴ Ŵajombwesye Aisilayeli pasikati pakwe, pakuŵa cinonyelo cawo cili cangamala.

¹⁵ Nambo ŵamtitimisye Mwenye jwa ku Iguputo pampepe ni ŵa ngondo ŵakwe m'Nyasa Jecejewu, pakuŵa cinonyelo cawo cili cangamala.

¹⁶ Ŵalongolele ŵandu ŵakwe mcipululu, pakuŵa cinonyelo cawo cili cangamala.

¹⁷ Ŵawuleje ayimwene ŵamacili, pakuŵa cinonyelo cawo cili cangamala.

¹⁸ Ŵawuleje soni ayimwene ŵakupikanika, pakuŵa cinonyelo cawo cili cangamala.

¹⁹ Ŵamwuleje Sihoni mwenye jwa Aamoli pakuŵa cinonyelo cawo cili cangamala.

²⁰ Ni Ogi, mwenye jwa ku Bashani, pakuŵa cinonyelo cawo cili cangamala.

²¹ Ni ŵacipelece cilambo cawo ca ayimwene kuti ciŵe cakwinjila cawo, pakuŵa cinonyelo cawo cili cangamala.

²² Cakwinjila ca Aisilayeli, ŵakutumicila ŵawo, pakuŵa cinonyelo cawo cili cangamala.

²³ Ŵatukumbucile piŵatupundile amagongo wetu; pakuŵa cinonyelo cawo cili cangamala.

²⁴ Ŵatukulupwisye kwa amagongo, ŵetu, pakuŵa cinonyelo cawo cili cangamala.

²⁵ Akusapeleka yakulya ku yacijumi yosope; pakuŵa cinonyelo cawo cili cangamala.

²⁶ Mwatogolele AMBUJE ŵakwinani, pakuŵa cinonyelo cawo cili cangamala.