Masalimo 13 - Chiyawo Bible

Lipopelo lyakuŵenda cikamucisyo

Kwa jwakwimbisya nyimbo. Salimo ja Daudi.

¹ Ŵalakwe AMBUJE,* ana tandiŵalile mpaka cakaci? Ana tacisisila ngope jawo mpaka cakaci?

² Ana timbe jwakupimilila mu yisawusyo mpaka cakaci? Ana timbe jwalipowo mu mtima mwangu musi ni cilo mpaka cakaci? Ana mpaka cakaci amagongo ŵangu taŵeje ali mkumbunda?

³ Angalawucile une ni kunjanga ŵalakwe AMBUJE, Mlungu jwangu, Awucisye macili gangu kogopela kuti nimkaŵa gona lugono lwa kuwa nalo.

⁴ M'magongo jwangu akaŵeceta kuti, “Nimpundile.” Amagongo ŵangu wosope akasangalala ligongo lyakulepela kwangu.

⁵ Nambo une njegamile pa cinonyelo ca wawo cangamala; une timbe jwakusangalala, ligongo lyakuti ŵalakwe angulupwisye une.

⁶ Tinjajimbila ŵalakwe AMBUJE, pakuŵa andendele yambone.