Masalimo 129 - Chiyawo Bible

Lipopelo lyakuŵenda kuti amagongo ŵa Isalaeli apegwe cilango

Nyimbo jakwimba pakukwela kuja kwitumbi.

¹ “Amagongo asawisye une mnope kutandilila ucanda wangu,” Isalaeli asale sambano kuti,

² “Amagongo asawisye une mnope kutandilila pa ucanda wangu, nambo nganangombola kose.

³ Pakumbuta amagongo ŵangu ŵatesile mpela akulima pa mgongo wangu; kulima misela jajilewu.”

⁴ Nambo AMBUJE* ali ŵagoloka, akutwile ngonji sya ŵandu ŵangalumbana.

⁵ Ŵandu wosope ŵakuŵengana ni Siyoni;* ŵatesye soni ni ŵatoposye.

⁶ Aŵe mpela manyasi gagakumela pa msakasa panyumba, gagakunyolola mkanigakule.

⁷ Ŵakugacuŵa ngakugumbasya kose ligasa lyawo, jwakutaŵa matita, ngakukwanisya atamose cisakata cose.

⁸ Pangali mundu jwakupita mwitala jutacisala kwa ŵakucuŵawo kuti, “Upile wa AMBUJE uŵe ni jemanja! Tukumpa upile mu lina lyawo AMBUJE!”