Masalimo 128 - Chiyawo Bible

Mbote jakwapikanila AMBUJE

Nyimbo jakwimba pakukwela kuja kwitumbi.

¹ Jwana upile jwalijose jwakwajogopa AMBUJE,* mundu jwakwenda m'matala gakwe.

² Timcilya yimyimtendele masengo ni makono genu; timcisangalala, soni yindu tiyicimjendela cenene.

³ Asonoŵenu taciŵa mpela mpeleya wakusogola, ŵanace ŵenu tacisyungulila pa tebulo jenu, mpela tutela twakusipuka kusi kwa citela ca Olifi.

⁴ Kusyene, mundu jwakumjogopa AMBUJE, taciŵa jwana upile.

⁵ AMBUJE jwakutama ku Siyoni* ampe upile mgaŵane nawo yambone ya mu Yelusalemu masiku gosope ga umi wenu.

⁶ Mtame ni umi welewu kuti myiwone yisukulu yenu! Mtendele uŵe ni Isalaeli!