Masalimo 127 - Chiyawo Bible

Kwalumba AMBUJE ligongo lya umbone wakwe

Nyimbo jakwimba pakukwela kuja kwitumbi: Ja Solomoni.

¹ Naga AMBUJE* ngakutaŵa nawo nyumba, ŵandu ŵele ŵakutaŵa nyumbajo, akwamba kulisawusya. Naga AMBUJE ngakulindilila nawo msinda, londajo akwamba kucesya.

² Mkulisawusya kulaŵa kundaŵindaŵipe ni kugona mwakucelewa, kamula masengo mwakulajila kuti mpate yakulya, pakuŵa AMBUJE akwapa ŵakunonyelwa ŵakwe yikwasoŵa, jemanjajo ali mlugono.

³ Mlole, ŵanace ali mtuka wakutyocela kwa AMBUJE, ŵanace ali mbote jakutyocela kwa Jwalakwe.

⁴ Ŵanace ŵa pa ucanda ali mpela mipamba, m'myala mwa mundu jwa ngondo.

⁵ Jwana upile mundu jwakwete mipamba jakwanila. Jwelejo ngasamtesya soni pakuŵeceta ni amagongo ŵakwe ku nganya ja magambo.