Masalimo 123 - Chiyawo Bible

Lipopelo lya jwakunyosyedwa

Nyimbo jakwimba pakukwela kuja kwitumbi.

¹ Ngukwesya meso gangu kwa ŵalakwe, ŵalakwe ŵakutama pa citengu ca ucimwene kwinani.

² Mpela jwamasengo jwamlume ni jwamkongwe akusajembeceya cikamucisyo kwa jwele jwakusamlipila; myoyo soni ni uwe tukusajembeceya AMBUJE* Mlungu jwetu, mpaka ali atutendele canasa.

³ Atutendele canasa, ŵalakwe AMBUJE, atutendele canasa, pakuŵa amagongo ŵetu atunyosisye kwakupundanganya malile.

⁴ Kwa ndaŵi jajilewu, ŵandu ŵakusicila, aŵele ali mkutujalusya ni ŵandu ŵakulikwesya aŵele ali mkutujalusya.