Masalimo 121 - Chiyawo Bible

Mlungu ni jwakutucenjela jwetu

Nyimbo jakwimba pakukwela kuja kwitumbi.

¹ Ngusalola ku matumbi ana cikamucisyo cangu ticityocele kwapi?

² Cikamucisyo cangu cikutyocela kwa AMBUJE,* ŵakupanganya kwinani ni cilambo capasi.

³ Ngasakunda lusajo lwenu kuti lutelesye, ŵakumcenjela ŵenu akusaŵa mesope ndaŵi syosope.

⁴ Mlole, ŵele ŵakusunga Isalaeli, ngasagwesela atamose gona.

⁵ AMBUJE ni ŵakumsunga, AMBUJE ni ŵakumcenjela ŵenu, ŵali ku mkono wenu wamlyo.

⁶ Lyuŵa ngasilimpweteka musi, atamose mwesi ngasiwuŵala ndaŵi ja cilo.

⁷ AMBUJE tacimsunga m'mwejo ku yangalumbana yosope, taciwusunga umi wenu.

⁸ AMBUJE tacimsunga m'mwejo kulikose kutimjawule, kutandila sambano jino mpaka kalakala.