Masalimo 12 - Chiyawo Bible

Lipopelo lyakuŵenda cikamucisyo

Kwa jwakwimbisya nyimbo. Ajimbile cida cakwimbila ca pangwe. Salimo ja Daudi.

¹ Angamucisye, ŵalakwe AMBUJE!* Pakuŵa pangali mundu jwambone jwasigele, ŵandu ŵakulupicika ngakusimanikwa pasikati pa ŵandu.

² Jwalijose agamba kumlambusya mjakwe; akusalambusyana jwine ni mjakwe yanganiyiŵayo.

³ Ŵalakwe AMBUJE asilekasye ngomo syasikulambusya. Alekasye lulumi lwakuŵeceta yakutwanga.

⁴ Ŵandu ŵelewo akusati kuti, “Tucapunda ni maloŵe getu, pakuŵa pakamwa tukwete, ana nduni jwampaka atupunde?”

⁵ Ligongo lyakuti ŵakulaga ŵasumwile yindu yawo, ni ŵakulaga akudandawula. AMBUJE akuti, “Tindendepo kandu sambano, tinakulupusye mpela mwakusacila jemanjajo.”

⁶ Yilanga ya AMBUJE yili yambone mnope mpela silifa* jwakwenga mu ng'aso jetaka, kasano ni kaŵili.

⁷ Ŵalakwe AMBUJE, atucenjele uwe. Atucenjele ndaŵi syosope kwa ŵandu ŵeleŵa.

⁸ Ŵandu ŵangalumbana akwamba kwendajenda palipose, acimjawo akuyilumba yitendo yawo yacabe.