Masalimo 114 - Chiyawo Bible

Nyimbo ja Pasaka

¹ Pandaŵi jiŵakopwece Aisilayeli ku Iguputo, soni pa ndaŵi jele liŵasa lya Yakobo* pilyakopwece kutyocela kwa ŵandu ŵa ciŵeceto ca cilendo,

² Yuda ŵaŵele malo gamaswela ga Mlungu, ni Isalaeli ŵaŵele ŵandu ŵakwe mu ucimwene wakwe.

³ Nyasa jayiweni yeleyi ni jatisile, Lusulo lwa Yolodani lwawujilile munyuma.

⁴ Matumbi gasumbile sumbile mpela ngondolo sya mikambako, ni yikwesya yasumbile mpela tuŵanace twa ngondolo.

⁵ M'mwe nyasa, cikumsawusya cici kuti mtile? Nambi m'mwe Yolodani, ligongo cici mkuwujilila munyuma?

⁶ Jemanja matumbi, cikumsawusya cici, kuti msumbejesumbeje mpela ngondolo sya mikambako?

⁷ Mtetemele, m'mwe cilambo capasi, pameso pa AMBUJE* jwa Yakobo.

⁸ Akusagalawusya lwala kuti luŵe litanda lya mesi, ni liganga lyakulimba kuŵa sulo sya mesi.