Masalimo 110 - Chiyawo Bible

Mwenye jwakusagulidwa ni AMBUJE

Salimo ja Daudi.

¹ AMBUJE* ŵasalile ambuje ŵangu kuti, “Tamani ku mkono wangu wamlyo, mpaka pitinasandusye amagongo ŵenu kuŵa mpela cakuliŵatila sajo syenu.”

² Taciwukusya ucimwene wenu wamacili, kutyocela ku Siyoni* kuti mlamulile pasikati pa amagongo ŵenu.

³ Ŵandu ŵenu tacilipeleka acimsyene pa lisiku litimcilosya macili genu petumbi lyaliswela. Acacanda ŵenu taciyika kwa m'mwejo mpela mugakuyicila mangame ga kundaŵi.

⁴ AMBUJE atesile cilanga* kuti ngasagalawusya nganisyo syakwe syakuti, “M'mwejo mli jwakutaga mbopesi kwa yaka yosope, jwakutaga mbopesi jwakwe jwa mtundu wa Melikisedeki.”

⁵ AMBUJE ali pambali jenu, pitacitumbila, tacapunda ayimwene wosope.

⁶ Tacilamulila ngosyo sya ŵandu, tacigumbasya cilambo capasi ni mitembo. Tacapunda ayimwene pacilambo.

⁷ Mwenye tacimwa mesi mu lusulo lwa petala, tacipata macili, ni tacijima mwakulosya kuti apundile.