Masalimo 11 - Chiyawo Bible

AMBUJE ali pakutilila pangu

Kwa jwakwimbisya nyimbo. Salimo ja Daudi.

¹ Une ngutilila kwa AMBUJE;* Ana mkukomboleka uli kusalila une kuti, “Tililani ku matumbi mpela cijuni;

² ligongo lyakuti ŵangalumbana akunjile ukunje, aŵisile mipamba jawo ku lukonji, kuti ŵasome ŵandu ŵambone mtima.

³ Naga yilimbilimbi ya cilambo yijonasice, ana jwakulungamika mpaka atende cici?”

⁴ AMBUJE ali m'Nyumba jawo jajiswela, citengu cawo AMBUJE cili kwinani. Akwawona ŵandu mbali syosope, ni kuyimanyilila yakutenda jemanjajo.

⁵ AMBUJE akusiŵalinga ŵandu wambone ni ŵangalumbana, nambo ni mtima wakwe wosope akusaŵengana ni ŵandu ŵakusakala ŵakunonyela ya njojo.

⁶ Tacagwicisya makala ni maganga ga moto mpela ula, tacipeleka cilango ca mbepo ja mtukuta mpela muyikwaŵajila.

⁷ Pakuŵa AMBUJE ali ŵakulungamika, soni akuyinonyela yitendo yambone, ŵakutenda yambone tacijiwona ngope jakwe.