Masalimo 1 - Chiyawo Bible

BUKU JANDANDA (Masalimo 1—41) Ya upile usyesyene

¹ Jwana upile mundu jwangakukuya upungu wa ŵandu ŵakusakala, jwangakusyasya kwenda kwa ŵandu ŵakulemwa, kapena kutama nawo mwikuga lya ŵandu ŵakwanyosya AMBUJE* Mlungu.

² M'malo mwakwe akusimana lukondwa pakugapikanila Malamusi ga AMBUJE, ni akugaganicisya malamusigo musi ni cilo.

³ Mundujo ali mpela citela cicimesile mungulugulu mwa lusulo, cicikusogola yisogosi mu ndaŵi jakwe, soni masamba gakwe ganganyala kose. Jwelejo akusapunda mu yosope yakutenda.

⁴ Ŵandu ŵakusakala ngakusaŵa myoyo, akusaŵa mpela masapi gagakuwululuka ni mbungo.

⁵ Ŵandu ŵakulemwa tacijimbidwa magambo nipo tacatyosya pasikati pa ŵandu ŵakulungamika.

⁶ Ŵandu ŵakulungamika tacilongoleledwa ni kucinjilicisidwa ni AMBUJE nambo litala lya ŵakusakala tacilijonanga.