Mala 4 - Chiyawo Bible

Lisiku lya AMBUJE likwisa

¹ AMBUJE Ŵamaciligosope akuti, “Lisiku likwisa lyele ŵandu wosope ŵakulikusya ni ŵakutenda yangalumbana tacipya mpela ufuni. Pa lisiku lyelelyo tacipya mpaka kutinika, ngasigaŵa kandu.

² Nambo jemanja ŵimkusambikanila une, macili gangu gakulupusya tigaciyika pa jemanja mpela kukopoka kwa lyuŵa ni kwikasya kuposya mpela kuŵala kwa lyuŵa. Timcigulukaguluka mwakusengwa mpela ŵanace ŵa ng'ombe ŵakutyocela mwicinga.

³ Lisiku lyelelyo timcaliŵata ŵandu ŵangalumbana mpela liwu ku sajo syenu.

⁴ “Mkumbucile yakwiganya ya Mose* jwakutumicila jwangu, malamusi ni yinamlamulaga Kwitumbi lya Sinayi kuti ŵasalile Aisalaeli wosope.

⁵ “Nambo mkiniliyice lisiku lyalikulungwa lyakogoya lya AMBUJE, tinjimtumicisya jwakulocesya* Eliya.*

⁶ Jwalakwejo tacakamulanya ŵanace ni acibaba ŵawo soni; kogopela kuti tinjiyika ni kucilwesa cilambo cenu ni kucijonanga.”