Chunukuko 15 - Chiyawo Bible

Milili msano ni jiŵili jakumalisya

¹ Kaneko naciweni cimanyisyo cine cakusimonjesya kwinani. Gapali malayika msano ni gaŵili gigakwete milili msano ni jiŵili. Mililijo jili jakumalisya pakuti lutumbilo lwa Mlungu tulumalile pa jeleji.

² Kaneko najiweni mpela Nyasa ja ligalasi lyewanganicilane ni moto. Naweni soni ŵandu ŵiŵacipundile cilombo cila, ni cilandanyo cakwe cila, ni nambala jakugopolela lina lyakwe. Ŵanduwo ŵajimi mungulugulu mwa nyasa jakuwoneka mpela ligalasi jila, myala mwawo muli mwana yida yakwimbila ya ngonji yiŵapegwile ni Mlungu.

³ Jemanjajo ŵaliji mkwimba nyimbo ja Mose* jwakutumicila jwa Mlungu, ni nyimbo ja Mwanace Jwangondolo jula. Mu nyimbomo ŵatiji kuti: “Ambuje, Mlungu Jwamaciligosope yitendo ya ŵalakwe yili yekulungwa ni yakusimonjesya. Ŵalakwe ali mwenye jwa mitundu josope ja ŵandu soni matala gawo gali gagoloka ni gakulungamika.

⁴ Ambuje, ana ŵani ŵingakwenela kwajogopa ni kulilumba lina lya ŵalakwe? Ŵalakwe jikape ali ŵaswela. Ŵandu ŵa ngosyo syosope taciyika kukwalambila ŵalakwe, pakuti masengo gawo gakulungamika gawonecele pakulanguka.”

⁵ Piyamasile yeleyi, nagaweni Malo Geswela mnope ga mkati mwa Citenti ca Umboni gali gawugwice.

⁶ Myoyo mu m'Malo Geswelago mwakopwecemo malayika msano ni gaŵili gala gigakwete milili msano ni jiŵili jila, ali awete nguwo syeswela syakunyesima mnope kuti mbee, soni ali ataŵile malamba ga golidi* pa cidali pawo.

⁷ Cimo mwa ya umi mcece yila capelece mbale ja msimbo msano ni siŵili sya golidi kwa malayika msano ni gaŵili gala. Mu mbalemo mwaliji mwegumbale ni ukali wa Mlungu jwa cijumi mpaka ndaŵi syosope.

⁸ M'malo Gamaswela mnope gala mwagumbele lyosi lyakutyocela ku lumbili lwa Mlungu ni macili gakwe, myoyo paliji pangali atamose jumo jose juŵapakombwele kwinjila ku Malo Gamaswelago mpaka jili jimasile milili msano ni jiŵili jila jijaliji ni malayika msano ni gaŵili gala.