1 Mbi 6 - Chiyawo Bible

Yisukulu ya ŵakutaga mbopesi

¹ Lefi ŵakwete ŵanace ŵatatu, mena gawo galiji Geleshoni, Kohati ni Melali.

² Kohati ŵakwete ŵanace mcece, mena gawo galiji Amulamu, Isala, Hebuloni ni Usiyele.

³ Amulamu ŵakwete ŵanace ŵaŵili ŵacalume, mena gawo galiji Aloni* ni Mose,* soni ŵakwete mwanace jwamkongwe jumo lina lyakwe Miliyamu. Aloni ŵakwete ŵanace mcece, mena gawo galiji Nadabu, Abihu, Eliyesa ni Itamala.

⁴ Finihasi ŵaliji mwanace jwa Eliyesa, nipo yisukulu ya Eliyesa yaliji Abishuwa,

⁵ Buki, Usi,

⁶ Selahiya, Melayoti,

⁷ Amaliya, Ahitubi,

⁸ Sadoki, Ahimasi,

⁹ Asaliya, Yohanani,

¹⁰ Asaliya, jwalakweju ni juŵaliji jwakutumicila ku Nyumba ja AMBUJE* jele jiŵataŵile Mwenye Solomoni ku Yelusalemu.

¹¹ Amaliya, Ahitubi,

¹² Sadoki, Shalumu,

¹³ Hilikiya, Asaliya,

¹⁴ Selaya, Yehosadaki.

¹⁵ Yehosadaki ŵakamwilwe ukapolo pa ndaŵi jele Mlungu ŵamkundile Nebukadinesa kuti ŵakamule ukapolo ŵandu ŵa ku Yuda ni Yelusalemu.

Yisukulu yine ya Alefi

¹⁶ Alefi ŵakwete ŵanace ŵatatu, mena gawo galiji Geleshomu, Kohati ni Melali.

¹⁷ Mena ga ŵanace ŵa Geleshomu galiji Libini ni Shimeyi.

¹⁸ Ŵanace ŵa Kohati ŵaliji Amulamu, Isala, Hebuloni ni Usiyele.

¹⁹ Ŵanace ŵa Melali ŵaliji Mali ni Mushi. Gelega gali mena ga maŵasa ga Alefi gagalembedwe pakukuya acinangolo ŵawo.

²⁰ Libini ŵaliji mwanace jwa Geleshomu, nipo Yahati, Sima,

²¹ Yowa, Ido, Sela, ni Yetelai yili yisukulu ya Geleshomu.

²² Yisukulu ya Kohati ni ayi: Aminadabu, Kola, Asili,

²³ Elikana, Ebiyasafu, Asili,

²⁴ Tahati, Uliyele, Usiya ni Shaulo.

²⁵ Elikana ŵakwete ŵanace ŵaŵili, mena gawo galiji Amasayi ni Ahimoti.

²⁶ Ayi ni yisukulu ya Ahimoti: Elikana, Sofayi, Nahati,

²⁷ Eliyabu, Yelohamu ni Elikana.

²⁸ Samuele ŵakwete ŵanace ŵaŵili. Jwandanda kupagwa ŵaliji Yoweli, nipo jwaŵili ŵaliji Abiya.

²⁹ Ayi ni yisukulu ya Melali: Mali, Libini, Shimeyi, Usa,

³⁰ Shimeya, Hagiya ni Asayiya.

Ŵakwimba ku Nyumba ja AMBUJE

³¹ Ŵapali ŵandu ŵane ŵele ŵasagulidwe ni Mwenye Daudi* kuti alongoleleje kwimbisya nyimbo m'Nyumba ja kwapopelela AMBUJE mu Yelusalemu, ali aŵisilemo Libokosi lya Cilanga ca AMBUJE.

³² Ŵakwimba nyimboŵa ŵatumicilaga pa mlango wa citenti cakusimanilana, mpaka pa ndaŵi jiŵataŵile Solomoni Nyumba ja AMBUJE ku Yelusalemu.

³³ Aga ni mena ga ŵandu ŵaŵatumicilagawo pamo ni ŵanace ŵawo: Kutyocela kwiŵasa lya Kohati, ŵapali Hemani juŵaliji jwakulongolela kwimba nyimbo soni ŵaliji mwanace jwa Yoweli. Lukosyo lwawo lwatandilile pa Yakobo,* Hemani, Yoweli, Samuele, Elikana,

³⁴ Elikana, Yelohamu, Eliele, Towa,

³⁵ Sufi, Elikana, Mahati, Amasayi,

³⁶ Elikana, Yoweli, Asaliya, Sefaniya,

³⁷ Tahati, Asili, Ebiyasafu, Kola,

³⁸ Isala, Kohati, Lefi ni Yakobo.

³⁹ Asafu ŵaliji mlongo mjakwe jwa Hemani juŵaliji jwakulongolela likuga lyaŵili lya kwimba. Acinangolo ŵa Asafu ŵaliji Belekiya, Shimeya,

⁴⁰ Mikaele, Baseya, Malikiya,

⁴¹ Etini, Sela, Adayiya,

⁴² Etani, Sima, Shimeyi,

⁴³ Yahati, Geleshomu ni Lefi.

⁴⁴ Etani jwa liŵasa lya Melali jwalongolelaga likuga lyatatu lya ŵandu ŵakwimba nyimbo. Liŵasa lyawo likutyocela kwa Lefi mwakuyicisyamu: Etani ŵaliji mwanace jwa Kishi, Kishi ŵaliji mwanace jwa Abidi, Abidi ŵaliji mwanace jwa Maluki, Maluki ŵaliji mwanace jwa Hashabiya, Hashabiya ŵaliji mwanace jwakuŵeleka Amasiya,

⁴⁵ Amasiya ŵaliji mwanace jwakuŵeleka Hilikiya, Hilikiya ŵaliji mwanace jwakuŵeleka Amusi, Amusi ŵaliji mwanace jwakuŵeleka Bani ŵaliji mwanace jwakuŵeleka Shema,

⁴⁶ Shema ŵaliji mwanace jwakuŵeleka Mali, Mali ŵaliji mwanace jwakuŵeleka Mushi, Mushi ŵaliji mwanace jwakuŵeleka Melali,

⁴⁷ nipo Melali ŵaliji mwanace jwakuŵeleka Lefi.

⁴⁸ Nipo Alefi ŵane wosope ŵasagulidwe kuti akamuleje masengo gane ga ku Nyumba jakupopelela.

Yisukulu ya Aloni

⁴⁹ Aloni pamo ni ŵanace ŵakwe ŵacalume ŵapelekaga mbopesi pa malo ga kupelecela mbopesi syakutinisya sya ubani.* Jemanjajo ŵatendaga masengo gosope gakuŵajilwa pa malo geswela ni kutenda msyungu wakukululucila ulemwa* wa Aisalaeli. Ŵatendaga yeleyi pakukuya yosope yiŵalamwile Mose jwakutumicila jwa Mlungu.

^50-53 Ŵanace ŵacalume ni yisukulu ya Aloni yaliji Eliyesa, Finihasi, Abishuwa, Buki, Usi, Selahiya, Melayoti, Amaliya, Ahitubi, Sadoki ni Ahimasi.

Malo gakutama Alefi

⁵⁴ Aji jili dela jijapelecedwe kwa yisukulu ya Aloni ŵa liŵasa lya Kohati. Jemanjaji ŵaliji ŵandanda kupocela malo gakuti atamejemo.

⁵⁵ Ŵapocele msinda wa Hebuloni mcilambo ca Yuda pampepe ni malo gakulicisya yilangwa gakusyungulila msindawo.

⁵⁶ Migunda ni misi jijasyungulile msinda wa Hebuloni, japelecedwe kwa Kalebu mwanace jwa Yefune.

^57-59 Misinda jakuyicisyaji japelecedwe kwa ŵanace ŵacalume ŵa Aloni pampepe ni malo gakulicisya yilangwa gagasyungulile misinda ja Hebuloni, msinda wakulupucilamo, Libina, Yatili, Eshitemowa, Hileni, Dibili, Ashani ni Beti Shemeshi.

⁶⁰ Ŵandu ŵa lukosyo lwa Benjamini, ŵapegwile misinda ja Geba, Alemeti, ni Anatoti pampepe ni malo gakulicisya yilangwa yawo, gakusyungulila jele misindaji. Misinda jawo jiŵatamaga pamo ni maŵasa gawo jakwanile 13.

⁶¹ Misinda likumi ja mcilambo ca kungapilo lyuŵa kwa Manase ŵajipelece ku maŵasa ga lukosyo lwa Kohati pakulondola cisango.

⁶² Liŵasa lya Geleshomu lyapegwile misinda 13 pakukuya maŵasa gawo kutyocela ku ngosyo sya Isakala, Asha, Nafutali ni Manase jwakungopoko lyuŵa mcilambo ca Bashani.

⁶³ Lukosyo lwa Melali lwapocele misinda likumi ni jiŵili pakukuya maŵasa gawo kutyocela ku ngosyo sya Lubeni, Gadi ni Sebuloni.

⁶⁴ Amu ni mwele muŵapelecele ŵandu ŵa ku Isalaeli misinda kwa Alefi kuti atamejemo pampepe ni malo gakulicisya yilangwa gakusyungulila misindajo.

⁶⁵ Misinda ja ngosyo sya Yuda, Simiyoni ni Benjamini ŵajipelece pakulondola cisango.

⁶⁶ Maŵasa gane ga lukosyo lwa Kohati ŵagapele misinda ni malo gakulicisya yilangwa kutyocela ku lukosyo lwa Efelemu.

⁶⁷ Maŵasa gelega ŵagapele misinda jakuyicisyaji ni malo gakulicisya yilangwa gagasyungulile misinda ja Shekemu ku cilambo ca ku matumbi ga Efelemu, Gesele,

⁶⁸ Yokimimu, Beti Holoni,

⁶⁹ Aiyaloni ni Gati Limoni.

⁷⁰ Nambo kutyocela ku misinda ja kungapilo lyuŵa kwa Manase ŵapegwile misinda ja Aneli ni Bileyamu pamo ni malo gakulicisya yilangwa.

⁷¹ Maŵasa ga lukosyo lwa Geleshomu ŵagapele misinda jiŵili jakuyicisyaji, kutyocela ku lukosyo lwa Manase jwa kungopoko lyuŵa: Golani ku Bashani ni Ashitaloti pampepe ni malo gakulicisya yilangwa.

⁷² Kutyocela ku lukosyo lwa Isakala, ŵapegwile misinda ja Kedeshi, Dabelati,

⁷³ Lamoti ni Anemu pampepe ni malo gakulicisya yilangwa gakusyungulila misindaji.

⁷⁴ Kutyocela ku lukosyo lwa Asha, Agelesomu ŵapegwile misinda ja Mashali, Abidoni,

⁷⁵ Hukoki ni Lehobu pampepe ni malo gakulicisya yilangwa gakusyungulila misindaji.

⁷⁶ Kutyocela ku lukosyo lwa Nafutali, Agelesomu ŵapegwile misinda ja Kedeshi ku Galileya, Hamoni ni Kiliyataimu.

⁷⁷ Maŵasa gakusigala ga lukosyo lwa Melali gapegwile misinda ja Limoni ni Taboli kutyocela ku lukosyo lwa Sebuloni, pampepe ni malo gakulicisya yilangwa gakusyungulila misindaji.

⁷⁸ Ŵapocele soni misinda ja kungopoko lyuŵa kwa Lusulo lwa Yolodani kutyocela ku lukosyo lwa Lubeni, misinda ja Besala, mcilambo cangali matumbi, Yahasi,

⁷⁹ Kedemoti ni Mefati, pampepe ni malo gakulicisya yilangwa gakusyungulila misindaji.

⁸⁰ Kutyocela ku lukosyo lwa Gadi ŵandu ŵa liŵasa lya Melali ŵapocele misinda ja Lamoti ku Giliyadi, Mahanaimu,

⁸¹ Heshiboni ni Yasa pampepe ni malo gakulicisya yilangwa.