1 Mbi 27 - Chiyawo Bible

Asilikali ŵa ngondo ni acimlongola ŵawo

¹ Awu uli mndandanda ŵa acimlongola ŵa maŵasa ga Aisalaeli, ŵakulamulila ŵa ngondo, pampepe ni nduna syakumtumicila mwenye. Jemanjaji ŵacenganaga mwesi ni mwesi, caka cilicose. Likuga lililyose lyakwete ŵandu ŵakwanila 24,000.

^2-15 Ŵakuyicisyaŵa ŵaliji acimlongola mwesi ni mwesi: Mwesi wandanda: Yashobewamu mwanace jwa Sabudiyele ni juŵaliji mlongola (jwalakweju jwaliji jwa mwiŵasa lya Pelesi, mbali jimo ja lukosyo lwa Yuda) Mwesi waŵili: Dodayi jwa mwiŵasa lya Aho ni juŵaliji mlongola. (Jwaŵili kwa jwalakweju jwaliji Mikiloti) Mwesi watatu: Benaya mwanace jwa Yehoyada jwakutaga mbopesi ni juŵaliji mlongola jwa “ŵandu 30” (mwanace jwakwe Amisabadi jwajinjile m'malo mwa babagwe kuŵa jwamkulungwa jwa ngondo jwa likugali) Mwesi wa mcece: Asahelo mpwakwe Yowabu ni juŵaliji mlongola (nipo mwanagwe Sebadiya jwajinjile m'malo mwa babagwe) Mwesi wa msano: Shamuhuti cisukulu ca Isala ni juŵaliji mlongola Mwesi wa msano ni umo: Ila mwanace jwa Ikeshi ŵa ku Tekowa ni juŵaliji mlongola Mwesi wa msano ni jiŵili: Helesi cisukulu ca Efelemu ŵa ku Pelonaiti ni juŵaliji mlongola Mwesi wa msano ni jitatu; Sibekayi jwa ku Husha (jwa mwiŵasa lya Sela, mbali jimo ja lukosyo lwa Yuda ni juŵaliji mlongola) Mwesi wa msano ni mcece: Abiyesa jwa ku Anatoti ku upande wa lukosyo lwa Benjamini ni juŵaliji mlongola Mwesi wa likumi: Mahalayi jwa ku Netofa (jwa mwiŵasa lya Sela ni juŵaliji mlongola) Mwesi wa 11: Benaya jwa ku Pilatoni ku upande wa lukosyo lwa Efelemu ni juŵaliji mlongola Mwesi wa 12: Helidayi jwa ku Netofa (jwalakweju jwaliji cisukulu ca Otiniyele) ni juŵaliji mlongola

Acimlongola ŵa ngosyo 12 sya Aisalaeli

^16-22 Awu uli mndandanda wa acimlongola ŵa ngosyo sya Isalaeli: Lukosyo Mlongola Lubeni Eliyesa mwanace jwa Sikili Simiyoni Shefatiya mwanace jwa Maaka Lefi Hashabiya mwanace jwa Kemuele Aloni Sadoki Yuda Elihu, jumo jwa acalongo acimjakwe ŵa Mwenye Daudi Isakala Omuli mwanace jwa Mikaele Sebuloni Ishimaya mwanace jwa Obadiya Nafutali Yelimoti mwanace jwa Asiliyeli Efelemu Hosheya mwanace jwa Asasiya Manase jwa kungapilo lyuŵa Yoweli mwanace jwa Pedaiya Manase jwa kungopoko lyuŵa Ido mwanace jwa Sakaliya Benjamini Yasiele mwanace jwa Abinele Dani Asalele mwanace jwa Yelohamu

Lukosyo Mlongola

²³ Mwenye Daudi nganiŵaŵalanjila kumo ŵandu ŵamkanakwanila yaka 20 yakupagwa, ligongo lya cilanga* ciŵatesile kala AMBUJE* cakuti Aisalaeli tacitupa mpela ndondwa sya kwinani.

²⁴ Yowabu, jwele mamagwe ŵaliji Seluya, ŵatandite kwaŵalanga ŵandu, nambo nganamalisya kuŵalangako. Mlungu ŵapele Aisalaeli cilango ligongo lya kalembela jweleju myoyo ciŵalanjilo nganicilembedwa m'mabuku ga ucimwene wa Daudi.

Ŵandu ŵakulolela yipanje ya Mwenye Daudi

²⁵ Awu ni mndandanda wa ŵandu ŵaŵalolelaga yipanje ya Mwenye Daudi: Asimafeti mwanace jwa Adiyele jwaliji jwakulolela yipanje ya mwenye. Yonatani mwanace jwa Usiya ŵaliji jwakulolela yipanje ya m'madela, yipanje ya m'msinda, yipanje ya m'misi ni yipanje ya m'majumba ga asilikali wa ngondo.

²⁶ Esili mwanace jwa Kelubi ŵaliji ŵakulolela ŵandu ŵaŵakamulaga masengo gakulima m'migunda.

²⁷ Shimeyi ŵa ku Lama ŵaliji ŵakulolela migunda ja mipeleya. Sabidi ŵa ku Shefamu ŵalolelaga finyo kuti usunjice cenene m'malo mwakwe.

²⁸ Baala Hanani ŵa ku Gedela ŵaliji ŵakulolela yitela ya olifi* ni yitela ya mikuju (ku matumbi ga kungapilo lyuŵa). Yowashi ŵaliji ŵakulolela mwakusunjila mawuta ga olifi.*

²⁹ Shitilayi jwa ku Shaloni ŵaliji ŵakulolela yilangwa ku malo gakulicisya yilangwa ku Shaloni. Shafati mwanace jwa Adilayi ŵaliji ŵakulolela yilangwa ya ku malo gakulicisya yilangwa ku ciŵata.

³⁰ Obili jwa mtundu wa Aishimaeli ŵaliji ŵakulolela ngamila,* Yedeya jwa lukosyo lwa Melonoti ŵaliji ŵakulolela acibulu nipo Yasisi jwa mtundu wa Ahagili ŵaliji ŵakulolela ngondolo ni mbusi.

³¹ Ŵandu wosopeŵa ni ŵaŵaliji acakulungwa ŵakulolela yipanje ya Mwenye Daudi.

Apungu ŵa Mwenye Daudi

³² Yonatani, mjomba gwawo Mwenye Daudi, ŵaliji pungu jwa Daudi pakuti ŵaliji mundu jwakupikanicisya yindu nambo soni jwamlijiganye cenene. Jwalakwe pampepe ni Yehiyele mwanace jwa Hakimoni, ŵajiganyaga ŵanace ŵa mwenye.

³³ Ahitofelo ŵaliji pungu jwa mwenye, nipo Hushai ŵaliji mjawo soni pungu jwa mwenye. Piŵawile Ahitofelo, Abiyatala ni Yehoyada mwanace jwa Benaya ŵaŵele apungu wa Mwenye Daudi. Yowabu ŵaliji mlongola jwa asilikali ŵa Mwenye Daudi.

³⁴ Ahitofelo piŵawile, m'malo mwawo ŵajinjile Yehoyada mwanace jwa Benaya, ni Abiyatala kuŵa apungu ŵa mwenye. Yowabu ŵaliji mlongola jwa asilikali ŵa ngondo ŵa mwenye.